လယ်မြေကောင်း နှင့် မျိုးစေ့မှန်

        '' အောက်-အီး-အီး-အွတ်'' 
        ကြက်တွန်သောအသံသည် အမေအို၏ နားထဲသို့ တိုးဝင်လာ၏။ အမေအို ကြက်တွန်သံကကြားရမီကပင် အိပ်ရာမှ နိုးထနေခဲ့သည်။ ဘုရားဝတ်ပြုပြီးသမီးလေး လယ်တောသို့သွားရာတွင် စားဖို့ရန် စားစရာလေးများပင် ပြင်ဆင်ပြီးနေ၏။ အသက်အရွယ်ရလာတော့လည်း ညဘက်ဆိုရင် သိပ်အိပ်မပျော်ချင်ပေ။ ညဦးပိုင်းလောက်သာအိပ်ပျော်တတ်ပြီး သန်းခေါင်ရဲ့သည်ဘက်ကျော်လာရင် အမေအိုနိုးနေသည် ကများ၏။
        ထိုသို့ဆိုလျှင် အမေအိုနောက်ထပ် အိပ်မပျော်တော့ပေ။ အိပ်မပျော်လျှင် အမေအို ဟိုဟိုဒီဒီတွေးတော့ မိပြန်သည်။
        အမေတစ်ခု၊ သမီးတစ်ခုဖြစ်နေသော အမေအို၏ ဘ၀ ဆင်းဆင်းရဲရဲနှင့်နေကြရသော သူတို့၏ဘ၀ကို အမေအိုတွေးမိတိုင်း သမီးလေး၏ နောက်ရေးကိုပါ စိတ်မအေးကာဖြစ်ရသည်။ ယခုဆိုရင် သမီးလေးပင် အချိန်တန် အရွယ်ရောက်လာခဲ့ပြီ။
        သမီးလေးက လိမ္မာသည်၊အမေအို၏ စကားကိုတသွေမသိမ်းလိုက်နာသည်။ အမေအိုစိတ်ဆင်းရဲစေမည့် အလုပ်မျိုးကို ဘယ်တော့မှမလုပ်၊ မိဘကို ရိုသေ၊ လိမ္မာ သောသမီးကို အမေအိုအချစ်ပိုခဲ့ရ၏။
        အမေအိုသည် သမီးလေးကို ကလေးငယ်၊ ကလေး တစ်ယောက်သဖွယ် မြင်နေတတ်၏။ အမေအို သမီးလေးကို ပင်ပင်ပန်းပန်း အလုပ်-မလုပ်စေချင်ပါ။ သို့သော်လည်း ယခုမူ သမီးလေးမှာ သူတစ်ပါးလယ်တွင် အလုပ်လုပ်နေ ရသည်။
          သလေးစပါးခင်း စောင့်ရသည်ဆိုလား၊ အမေအိုဟုတ်တိပတ်တိမသိ။ သူတို့၏ စား၊ ၀တ်၊ နေရေးအတွက်က သမီးအပေါ်တွင်သာ မှီတွယ်နေပေသည်။ အမေအိုမှာ အိမ်မှုကိစ္စလေးမျှသာ လုပ်နိုင်ကိုင်နိုင်တော့သည်။ သမီးလေး၏လုပ်အားခလေးနှင့် အမေအိုနှင့် သမီးမျှ
တစွာ နေထိုင်လာခဲ့ကြရသည်။

        ညနေဘက်သမီးလေးအလုပ်ကပင်ပင်ပန်းပန်း ပြန်လာတော့ သမီးလေးကို ကြည့်ပြီး အမေအို စိတ်မကောင်းဖြစ်ရသည်။ သို့ကြောင့်လည်း တစ်ခါတစ်ခါ သမီးလေးကို မေးမိ၏။
        ''သမီးအလုပ်လုပ်ရတာ တော်တော်ပင်ပန်းမှာ ပေါ့နော်'' ဟု အမေအိုမေးလိုက် တိုင်း သမီးလေးထံမှ ကြားရသောစကားလေး
တွေက-
  
     ''သမီးမပင်ပန်းပါဘူးအမေရယ်..သမီးအမေ့ကိုလုပ်ကျွေးပြုစုခွင့်ရတာကိုက သမီးအတွက်ကုသိုလ်တွေ အများကြီးရပါသေးတယ် အမေရယ်'' တဲ့..
        သမီးထံမှ ထိုကဲသို့သောစကားမျိုးကို ကြားရပြန် တော့ အမေအိုပိုပြီးတော့ ကြည်နူးရပြန်၏။
        ''သြော်...သမီးအလိမ္မာကလေးရယ်''
        အမေအိုသည် ပါးစပ်မှအသံထွက်ရေရွတ်ရင်းသမီးလေးကိုကြည့်လိုမိသည်။ နှစ်နှစ်ခြိုက်ခြိုက်အပြစ်ကင်းစွာ အိပ်မောကျနေသော
သမီးလေးကို ကြည့်ပြီး အမေအို သက်ပြင်းချမိသည်။

                                                xxxxxxxxxxxxxxxxxxxxxx

        အရုဏ်ကျင်း၍ အလင်းရောင်များပင် ပေါ်လာ တော့မည်။ အမေအို သမီးကို နှိုးလိုက်သည်။
       ''သမီး...သမီး ထတော့လေ၊ မိုးလင်းတော့မယ် သမီး''
        အမေအို နှစ်ခွန်းပင်မနှိုးရ၊ သမီးဖြစ်သူအိပ်ရာမှ ချက်ချင်းထသည်။ မျက်နှာသစ်သည်၊ ကိုယ်လက်သန့်စင်ပြီးသူမပြုနေကြ၀တ်
အတိုင်း။ မြတ်ဗုဒ္ဓရှိရာဘကသို့ ဦးတည်ကာလက်အုပ်ချီမိုးရှိခိုးနေလိုက်သည်။
        အမေအိုသည် သမီးလေး၏ ဘာသာတရားပေါ် ယုံကြည်သက်ဝင်မှုကို ကြည့်ကာ ပီတိဖြစ်မိသည်။
        အမျိုးဘာသာ သာသနာကို ချစ်မြတ်နိုးတတ် အောင်လည်း သွန်သင်ညွှန် ပြခဲ့သည်။
        ''သမီး.. ဘယ်အခြေအနေဘဲရောက်ရောက် ရတနာသုံးပါးကို သမီးမစွန့်ပယ်ပါနဲ့။ မမေ့မလျော့နဲ့ ရတနာသုံးကို အမြဲဦးထိပ်ထားပါသမီး''
        သူမတို့၏ဘ၀ကလေးသည် ပစ္စည်းဥစ္စာမပြည့်စုံပါ။ သို့သော်လည်း သူမတို့၏ဘ၀သည် အလွန်ချမ်းမြေ့၏။ လူနေချုံကြားဖြစ်သော်လည်း စိတ်အနေ အထက်ဘုံဖျားသို့ ရောက်နေကြသည်။
        ''သမီးရေ''
        ''ရှင်  အမေ''
       ''ဟို .. စင်လေးပေါ်မှာ ပေါက်ပေါက်ပွင့်လေးတွေ၊ အမေတင်ထားတယ်၊ အဲဒါသမီး လယ်တော့သွားရင် ယူသွား''
        ''ဟုတ်ကဲ...အမေ''
        စင်ပေါ်ရှိ ပေါက်ပေါက်ပွင့်လေးတွေကို သူမ၏ မျက်နှာသုတ်ပ၀ါအစွန်း တွင် ထုတ်လိုက်သည်။ လယ်တော သွားရာတွင် ထမင်းထုတ်ကလေးတောင်မှ ထုတ်ယူမသွား နိုင်ရှာသော သူမအဖို့ ဤပေါက်ပေါက်ပွင့်လေးတွေကိုသာ အဖော်ပြုလာခဲ့ရသည်။ လယ်ထဲတွင် အလုပ်လုပ်ရင်း အဆာပြေစားသည်၊ ထိုပေါက်ပေါက်ပွင့်လေးများဖြင့် သူမနှစ်ပါးသွားခဲ့ရသည့် ရက်တွေကို လက်ချိုး၍ပင် မရေ တွက်နိုင်တော့ပေ။

                                         xxxxxxxxxxxxxxxxxxxxxxxx

        ''အမေ''
        ''အေ..ဘာလဲသမီး''
        ''သမီးအလုပ်သွားတော့မယ် အမေ''
        ''အေး.. အေး''
        ''အမေလည်းကျန်းမာရေးဂရုစိုက်နော် အမေ''
        ''အေးပါ သမီးရယ်.. သမီးသွားသာသွားပါ''
        ''ဒါဆို သမီးသွားပြီအမေ''
        သူမအမေကို နှုတ်ဆက်ခါနေအိမ်မှ ထွက်ခွာလာ ခဲ့သည်။

                                                   xxxxxxxxxxxxxxxxxxx

      
        အရှေ့အရပ်မှ နေမင်းသည်ကား ရောင်ဝါထင်း လျက်၊ တရွေ့ရွေ့ထွက်ပေါ် လာချေပြီ။ လောက ကြီးတစ်ခုလုံးကို အလင်းပေးနေ
လေပြီ။ ထို့အတူ သူမကို လည်း နှုတ်ဆက်နေလေပြီ။
        သူမ နေကို မျက်နှာအပ်လျှက် လယ်တော့သို့ လျှောက်လှမ်း လာခဲ့သည်။
        ''အလို..ဘာပါလိမ့်''
        နေကို ကျောပေးလျက် သူမရှိရာဘက်ကို ဦးတည်လျှက် တရွေ့ရွေ့လာနေသောသူတစ်ယောက်ကို ခပ်လှမ်းလှမ်းကတွေ့
မြင်နေရသည်။
        ''ရဟန်းတော်အရှင်မြတ်တစ်ပါးပါးလား၊ ကြည်ညို စရာကောင်းလိုက်တာ''
        တည်ကြည်သိမ်မွေ့စွာဖြင့်ကြွလာနေသော ရဟန်းတော်၏ တင့်တယ်မှုသည် သူမ၏အမြင်အာရုံ၌ ပိုမိုတင့်တယ်နေ၏ သူမလယ်တောသို့ နေ့ပေါင်း ရက်ပေါင်းများစွာ သွားလာနေရသည်။ ယခုကဲ့သို့ ရဟန်းတော်နှင့်တစ်ခါတလေမျှမကြုံဘူးပေ။ ယနေ့အဖို့
အလွန်ထူးခြားနေသည်ဟု သူမထင်နေသည်။
       သူမ၏ လက်စုံသည် ကြာပဒုံအသွင်ပမာ အရှင် မြတ်ကို လက်အုပ်ချီလိုက်မိသည်။ ရဟန်းတော် အရှင်မြတ်ပေါ်ကြည်ညိုမှုတွေ တဖွားဖွားဖြစ်ပေါ်လာခဲ့ သည်။ သူမ၏ ရင်ထဲ၌လည်း အေးမြသွားသည်။
        ပဒုမ္မာကြာသည် နေ၏ အရောင်ကို ခံယူကာ ဖူးပွင့်သကဲ့ သို့ အရှင်မြတ်၏ တင့်တယ်သိမ်မွေ့မှုကို ဖူးခွင့်ရသောသူမသည်လည်း ကြည်ညိုမှုနှင့်အတလှူချင် တန်းချင်သော သဒ္ဒါစေတနာ ဒါနပန်းတွေက ဖူးပွင့်လန်း ဆန်းလာခဲ့သည်။
        သူမမှာ ရဟန်းတော်အရှင်မြတ်ကို လှူဒါန်းဖို့ဆွမ်းမရှိပေ။ ထို့ကြောင့် သူမစိတ်အားငယ်မိပြန်၏။
        သူမပါလာသည့် ပေါက်ပေါက်ပွင့်လေးတွေကို ချက်ချင်းသတိရကာ အားတက်မိပြန်သည်။ သူမကို သူမအးပေးမိပြန်၏။
        ''အို...ငါဘာအားငယ်စရာလိုလဲ ..ငါ့မှာ ပေါက်ပေါက်ပွင့်တွေပါသားဘဲ...ဒီပေါက်ပေါက်ပွင့် လေးတွေ အရှင်မြတ်ကို လှူဒါန်းရမယ်။
      
        ''ဒီပေါက်ပေါက်ပွင့်တွေကို ရဟန်းတော်အရှင်မြတ် ကိုငါလှူဒါန်းရမယ်။ အမေပြောသလို သံဃာတော် အရှင်မြတ်တွေ့ဖို့ဆိုတာ အတော်ခဲယဉ်းတာပဲ။ နေ့တိုင်း ဒီလမ်းကို သွားနေတာ ဒီနေ့မှ အရှင်မြတ်ကို ဖူးမြင်ရတယ် ဆိုတော့ ငါ့ကုသိုလ်ပြုဖို့ အကြောင်းဖန်လာတာပဲ၊ ဒါအခွင့်အရေးပဲ၊ ဒီအခွင့်အရေးကို ငါလက်လွတ်မခံဘူး၊ ဒီကနေ့ အဖို့ ငါသာအငတ်ခံလိုက်တော့မယ်''
        သူမသည် ခိုင်မာသော ဆုံးဖြတ်ချက်နှင့်အတူ သူမ၏ မျက်နှာသည် ကြည်လင်လာ၏။
        ရဟန်းတော်အရှင်မြတ်သည် သပိတ်ကိုပိုက်လျက် သူမအနီးသို့ ရောက်ရှိလာ၏။

        ''အရှင်ဘုရား.. ရပ်တော်မူပါဘုရား''

        သူမ၏လျှောက်ထားသောစကားကြောင့် အရှင် မြတ်တည်ကြည်ငြိမ်သက် စွာ ရပ်နေလိုက်သည်။
        သူမပေါက်ပေါက်ပွင့်တွေကို လက်ထဲသို့ထည့် လိုက်သည်။
        ''အရှင်ဘုရား၊ တပည့်တော်မ၏ ပေါက်ပေါက်ပွင့် လေးတွေကို လှူဒါန်းခွင့် ပြုပါ''
        အရှင်မြတ် သည် သပိတ်ကို ဖွင့်လျက် လှူဒါန်းခွင့်ပြုသည်။
        သူမပေါက်ပေါက်ပွင့်လေးတွေကို အရှင်မြတ်၏ သပိတ်ထဲသို့ လောင်းလှူလိုက်သည်။
        ''အရှင်ဘုရားတို့ မျက်မှောက်ထင်ထင် သိမြင်အပ်သော တရားတော်ကို တပည့်တော်မ သိမြင်ရပါလို၏ ဘုရား''
        သူမသည် ဆုတောင်းမှုနှင့်အတူထိခြင်းငါးဖြာနှင့် အညီ ရှိခိုးလိုက်သည်။
        ''အသင်ဒါယိကာမ တောင်းသောဆုနှင့် ပြည့်စုံပါ စေ''
          အရှင်မြတ် သူမအားဆုပေးပြီး သူမအနီးမှ ထွက်ခွာ သွားလေသည်။ အနောက်ဘက်သို့ ဣနြေ္ဒသိက္ခာဖြင့် ကြွ သွားသော
အရှင်မြတ်ကို သူမလက်အုပ်ချီကာ ရပ်နေမိသည်။
ရဟန်းတော်အရှင်မြတ်ကို လှူဒါန်းလိုက်ရသော ပေါက်ပေါက်ပွင့်အလှူသည် သူမ၏ စိတ်နှလုံးကို ရွှင်လန်း စေလျက်ရှိ၏။ အရှင်မြတ်ကြွသွားသည်ကို မျက်စိတဆုံး ကြည်ညိုနေမိသည်။
        ရဟန်းတော်အရှင်မြတ်၊ သူမ၏ မြင်ကွင်းမှ ကွယ် ပျောက်သွားခဲ့သည်။ သို့သော် သူ၏အာရုံမှာ အရှင်မြတ် ပျောက်ကွယ်၍မသွားပါ။

                                    xxxxxxxxxxxxxxxxxxxxxxxxxx

        သူမ၏ခြေလှမ်းများသည် အလုပ်ရှိရာသို့ လယ်ကန်သင်းအတိုင်း လျှောက်လှမ်းလာခဲ့သည်။ နေအိမ်မှ ထွက်လာခဲ့သော ခြေလှမ်းမျိုးမဟုတ် ပိုမိုပေါ့ပါ့း သွက်လက် နေသည်ဟု ထင်မိ၏။
        ''အား''
        သူမနှုတ်ဖျားမှ နာကျင်စွာ အော်ဟစ်လိုက်မိသည်။ သူမ၏ ခြေထောက် တစ်ခုလုံး မီးစနှင့်ထိုးခံရသလို နာကျင် သော ဝေဒနာကို ခံစားလိုက်ရ၏။
       သူမသည် နာကျင်သော ဝေဒနာနှင့်အတူ မြင်လိုက်ရသည်မှာ အလွန်အဆိပ်ပြင်းသောမြွေကြီးတစ် ကောင်ဖြစ်သည်။ သူမကိုယ်သူမ မြွေကိုက်ခံရမှန်း သိလိုက်သည်။ သူမကို ကူညီမည့်သူမရှိ၊ သူမဦးခေါင်းထဲ မူးဝေလာသည်။ မျက်လုံးတွေပြာဝေလာ၏။ ပတ်ဝန်းကျင်
တခုလုံးကိုသဲသဲကွဲကွဲ မမြင်ရတော့၊ သူမကိုယ် သူမထိန်းသည်။ထိန်းမရတော့၊ သူမ၏ ခန္ဓာကိုယ်သည် လယ်ကန်သင်းပေါ်မှ လယ်ထဲသို့ကျသွားတော့သည်။

                                            xxxxxxxxxxxxxxxxxxxx


        ''ငါဘယ်ကို ရောက်နေပါလိမ့်''
        သူမကိုယ်သူမ အံ့သြနေမိသည်။ သူမရောက်နေ သည့် နေရာကိုလည်း ကြည့်မိ၏။ တုရင်၊ မှန်ကင်း၊ စုလစ်၊ မွန်းချွန်၊ အမြောက်အမွမ်းများဖြင့် တန်ဆာ ဆင်ထားသည့် အပြောင်တလတ်လတ် အရောင်ထွက်နေသော ပြာသာဒ် ဘုံဗိမာန် ကြီးတစ်ဆောင် ဖြစ်နေသည်။
        ပြာသာဒ်ဘုံဗိမာန်အတွင်း ရွှေပေါက်ပေါက်ပွင့် လေးများ၊ ရွှေခွက်ကလေး များဖြင့် တွဲလဲဆွဲတန်ဆာဆင် ထား၏။ လေခတ်တိုင်း ဘယ်ညာတိမ်းလျှက် ယိမ်းကနေကြ သလို သူမတွေ့မြင်ရသည်။ ကြီးကျယ်ခန်းနားသော ပြာသာဒ်ဗိမာန် ကို ကြည့်ရသည်ကိုပင် သူမကြည့်ရှုမ၀ ဖြစ်ရသည်။
       သူမကိုယ်ကို သူမကြည့်မိသည်၊ သူမကိုယ်တွင်ဝတ်ဆင်ထားသည့် အ၀တ်များမှာ ဖြူဖွေးသန့်စင်ကာ နူးညံ့အိချော လျက်...
        ''ဒီဟာတွေဘယ်က ဘယ်လိုဖြစ်လာရတာလဲ''
        ''ငါဘယ်ကို ရောက်နေပါလိမ့်''
        သူမကိုယ်သူမ ဆင်ခြင်မိပြန်သည်။
       ပတ်ဝန်းကျင် ချောမောလှပသော အမျိုးးသမီးလေးများ..၊
       ''အို...သူတို့ငါ့ကိုကြည့်နေကြတယ်''
       ''သြော်...ငါဘုံဗိမာန်ပိုင်ရှင်နတ်သမီးလေး တစ်ယောက်ဖြစ်နေပါ့လား''
       ''ဗိမာန်တွေထဲမှာလည်း ငါလိုဘဲ၊ ၀တ်ဆင်ထားတဲ့ နတ်သမီးတွေ''
      
        ''သူတို့ကြည့်နေပုံက ငါ့ကိုကြိုဆိုတဲ့သဘောလား''
        ''ဒီနေရာ ဒီဌာနကို ဘယ်လိုကုသိုလ်ကောင်း မှုတွေကြောင့် ရောက်လာပါ လိမ့်''
        သူမအဖြေရှာကြည့်မိသည်။
       ''ငါ့ရဲ့ ပေါက်ပေါက်အလှူကို အလှူခံတဲ့အရှင် မြတ်က ဘယ်သူပါလိမ့်''
        ''အလို...မြတ်ဗုဒ္ဓသာသနာတော်မှာ အလွန် ထင်းရှားတဲ့ ဓုတင်ဆောင် ဧတဒဂ်ရ အရှင်မဟာကဿပ မထေရ်မြတ်ကြီ်းပါလား၊
      ''မထေရ်မြတ်ရဲ့ ကျေးဇူးတွေဟာ ကြီးမားလှပါကလား၊ ငါလှူဒါန်းခဲ့တုန်းက အရှင်မဟာကဿပ မထေရ်မြတ်ဆိုတာ မသိခဲ့မိဘူး။ သံဃာတော်ကို အာရုံပြုပြီးလှူဒါန်းခဲ့တာပါ။ သံဃာတော်အရှင်မြတ်၏ ကျေးဇူးတွေ ဟာ အလွန်ကြီးမားပါကလား''
        သံဃာတော်အရှင်မြတ်များ၏ သံဃာဂုဏ်တော် တွေကိုလည်း အာရုံ၌ လွှမ်းထုံကြည်ညိုလိုက်မိ၏။
        ''သံဃာတော်အရှင်မြတ်တွေဟာကုသိုလ်အမျိုးမျိုးစိုက်ပျိုးချရာ လယ်ယာမြေကောင်းသဖွယ်ဖြစ်တော်မူ တာဘဲ''
        သူမပို၍ ကြည်နူးရပါသည်။
       “သြော်.....လယ်မြေကောင်းမှာစိုက်ပျိုးတဲ့အမျိုးစေ့ကောင်ဟာ ကြီးထွားရှင်သန်သလို၊ သာသနာလယ်မြေကောင်းမှာလည်း စစ်မှန်တဲ့သဒ္ဓါမျိုးစေ့တွေနဲ့ သာစိုက်ပျိုးးနိုင်ရင် မလွဲမသွေ အကျိုးထူးတရားတွေက ရှင်သန်ဝေဆာနေပါပေါ့လား…။”
      သူမပို၍ပို၍ ကြည်နူးရပါသည်။ 

                                                        (၀န်ခံချက်)။ ဓမ္မပဒလာ လာဇာနတ်သမီး ၀တ္ထုကို တန်ဆာဆင်၍ မြစ်မခမဂ္ဂဇင်းတွင် ရွှေဝယ-်က္ကုန္ဒာနွယ် အမည်ဖြင့်  ရေးခဲ့သောဝတ္ထုဖြစ်ပါသည်။
      

                                                                                                      အရှင်ဓမ္မိက (လောင်းလုံ)