မာလောနွယ် မဖြစ်ပါရစေသား...

         ဘွဲ့နှင်းသဘင် ခန်းမ အနောက်ဘက်စိန်ပန်းပင်ပေါ်မှ ထွက်လာသော ဥသြငှက်တစ်ကောင်၏ အသံမှာ  ဆွဲဆွဲငင်ငင်ရှိလှသည်။ ကချင်ဆောင်မှ ပီပီသသ ကြားရ၏။ သာသနာ့တက္ကသိုလ်(ရန်ကုန်) တစ်
ဝိုက်တွင် နွေအခါ မရောက်သေးသော်လည်း တစ်ခါ တစ်ရံ ယခုကဲ့ဥသြသံကို ကြားနေရတတ်သည်။
   နွေကြိုဥသြဟုဆိုရလောက်အောင်လည်းနွေမရောက်သေး၊ဆောင်းဝင်စပင်ရှိသေးသည်။ဆောင်းကြိုဥသြ
တော့မဖြစ်နိုင်၊သင်တန်းသားအသစ်များကိုကြိုဆိုသောဥသြသံလေလား......။
     ဒါမှ မဟုတ်အဖော်ရှာရန် ဟစ်ကြွေးနေသော ဥသြသံလေား... မဝေခွဲတတ်။
      ဥသြငှက်ကလေးမှာ စိန်ပန်းပင်ထိပ်ဖျားခြောက်သွေ့နေသောသစ်ကိုင်းပေါ်နားလျက် သာသနာ့တက္က
သိုလ်သို့လှည့်ကာ ဆွဲဆွဲငင်ငင် အော်နေသည်ကို ဝရန်တာမှ မိမိတွေ့လိုက်ရသည်။
     လေးနှစ်ဟူသော အချိန်ကာလသည် မွေးကင်းစကလေးငယ်တစ်ယောက်ဖြစ်ပါက မိဘတို့၏ပြုစုယုယ
မှုများကြောင့် တီတီတာတာပြောဆိုတတ်ကာ လူလားမြောက်နေပေတော့မည်။
       တက္ကသိုလ်စာသင်သားဘဝ လေးနှစ်ဟူသောကာလက ကြာလိုက်သည်ဟုမထင်ရသော်လည်းဘဝ
တစ်ခုကိုတစ်မျိုးတစ်ဖုံပြောင်းလဲစေခဲ့သည်တော့ အမှန်။
       သာသနာ့တက္ကသိုလ်က ပေးအပ်သည့်ဘွဲ့ကို လက်ဝယ်မပိုက်ရသေးသော်လည်း သာသနာ့တက္ကသိုလ်
ကသင်ပေးလိုက်သည့်ပညာရပ်များမှာလောကထဲ ဝင်ဆုံနိုင်ပေပြီ။
      ''ဦးတေဇ ဦးဓမ္မောခေါ်နေတယ်၊သ.ထ.ပ ရုံးကို သွားမယ်တဲ့''
       ဦဥာဏပြောမှ ညနေ ၃-နာရီ သာသနာတော်ထွန်းကားပြန့်ပွားရေးရုံး၌ တောင်တန်းသာသနာပြု
ကဒ်ပြားယူရန် ချိန်းထားသည်ကို သတိရသည်။
     သင်္ကန်းလဲပြီး အောက်ထပ်သို့ဆင်းခဲ့သည်။ အဆောင်ရှေ့သရက်ပင်အောက်တွင် ရပ်စောင့်နေသော ဦးဓမ္မောဘာသကိုတွေ့ရသည်။
    မဟာဝိဇယ ဓမ္မသဘင်ခန်းမနှင့် မဟာပါသာဏလှိုဏ်ဂူအကြားလမ်းမှ လျှောက်ခဲ့ကြသည်။   
   လှိုဏ်ဂူတော်ကြီးတစ်ဝိုက် ကျိးငှက်တို့ အော်သံမှ တစ်ပါး တိတ်ဆိတ်ငြိမ်သက်နေသည်။ ကံ့ကော်ပင်များမှ အဖူးအငုံ ကိုယ်စီရှိနေကြသည်ကို တွေ့ရသည်။ နံနက်တိုင်း ကံ့ကော် ခရေနံ့သင်းနေသော လမ်းတို့၌ လမ်း
လျှောက်ခဲ့ကြသည့်နေ့များကို သတိရမိ၏။ ကံ့ကော်၊ ခရေလမ်းတို့တွင် လျှောက်လှမ်းသော ခြေလှမ်းများကို ကြမ်းတမ်းသော တောင်တန်းခရီးဆီသို့ဦးလှည့်ပေးရပေတော့မည်။ဝေးကွာကုန်ဆုံးခဲ့သောနေ့ရက်များကို
သတိရမိသည်။

                                          xxxxxxxxxxxxxxxxxxxx

          ပထမနှစ် စာသင်ခန်းအတွင်း စာရေးခုံနှင့်ကုလားထိုင်တို့မှာ ၁-တန်း၊ ၈-ခုံဖြင့် ၁၂-တန်းညီညာစွာ စီတန်းလျက် အနောက်ဘက် White Boardိ ရှိရာဘက်သို့ မျက်နှာလှည့်ထားသည်။ အလယ်မှာ လူတစ်
ယောက် လျှောက်သွားနိုင်ရုံလောက် လမ်းနှစ်လမ်းဝဲ-ယာချန်ထားသည်။
      ခုံနံပါတ်များမှာ ၉၃-နှင့်ဆုံးနေသောကြောင့် ပထမနှစ်သင်တန်းသား ၉၃-ပါးရှိသည်ဟု သိလိုက်ရသည်။
ဘွဲ့အမည်များကို မြန်မာအက္ခရာများအတိုင်း သရမှ ဗျည်းသို့ အစဉ်အတိုင်းထားသောကြောင့် အလယ်ခုံ
တန်းတွင် မိမိနေရာရခဲ့သည်။ ယခုတက္ကသိုလ်ဝင်ခွင့် ၆ဝဝ-ကျော်ဖြေသည်။ရေးဖြေ အင်တာဗျူးအပြီး
တက္ကသိုလ်တက်ခွင့်ရသည်မှာ သံဃာအပါး ၉ဝ-ဖြစ်သည်။ နှစ်ကသုံးပါးနှင့်ပေါင်း၍၉၃-ပါးရှိနေခြင်းဖြစ်သည်။
ထိုသုံးပါးတွင် ဦးဓမ္မောဘာသ ပါဝင်ခဲ့သည်။
     မိမိခုံ၏နောက်တွင် ဦးဓမ္မောဘာသ၏ ထိုင်ခုံ။ အစကတော့ မသိခဲ့။
      ထိုနေ့က နံနက် ၇-နာရီ သင်တန်းအချိန်.....။
      ဆရာဝင်လာသောကြောင့်သင်တန်းအားလုံးလက်အုပ်ချီ၍ထရပ်ကြသည်။'နမောတဿ'သုံးကြိမ်ရွတ်
ဆိုသည်။ဆရာကဘယ်လက်ကလေးအောက်သို့ကွေးကာ''ထိုင်-ထိုင်''ဟုပြောသောကြောင့်သင်တန်းသား
အားလုံး ထိုင်လိုက်ကြသည်။သင်တန်းပို့ချမည့်ဆရာတော်က သင်တန်းတက် သံဃာစာရင်းစာရွက်ကို ကြည့်
သည်။
       ''အင်း...ခရေပွင့် အမှတ်အသားကလေးတွေက စတုတ္ထနှစ်အောင်စာရင်းမှာဆိုရင်တော့မဟာတန်းတက်
ခွင့်ရတဲ့အမှတ်အသားပေါ့၊ကျောင်းခေါ်ချိန်စာရွက်မှာပါတဲ့ခရေပွင့်တွေကတော့ တစ်နှစ်ကျသင်တန်းသား
ချင်းတူပေမဲ့လဲ နေရာဌာနလိုက်ပြီးတော့ အဓိပ္ပါယ်ရော တန်းဖိုးပါ ကွာသွားတယ်။ တပည့်တော်ပြောပါတယ်။ နောက်နှစ်ဒီအတန်းမှာအဟောင်းတွေကိုမတွေ့ချင်ဘူးလို့ဆိုပေမဲ့လဲ သုံးပါးတွေ့တယ်'' ဟု မိန့်ကြားသည်။
     ဆရာသည် စာရွက်ကို တစ်ခါထပ်ကြည့်သည်။
       ''တပည့်တော်တို့ကတော့အားလုံးကိုအောင်စေချင်တာပါပဲ။တစ်ခါတစ်ခါတောလဲမြင်းကောင်းခွာလိပ်ဆိုတဲ့
စကားလို ခြေချော်လက်ချော်ကျတတ်ပါတယ်။ကျတဲ့ကိုယ်တော်ကလေးတွေလဲစိတ်မပျက်ကြနဲ့။
တစ်နှစ်ကြိုးစားခွင့်ရှိပါသေးတယ်။ဆက်ကြိုးစားကြပေါ့။
        ''ကဲ-ဘွဲ့စာရင်းလေးတွေ ခေါ်လိုက်အုံးမယ်။
         ဆရာသည် ဘွဲ့များကို ခေါ်ပါသည်။ထိုအချိန်မှ မိမိနောက်နားတွင်ရှိသော   ဦးဓမ္မောဘာသမှာ ကျကျန်
ခဲ့သူမှန်း သိရသည်။

                                           xxxxxxxxxxxxxxxxxxxxxxxxxxxxxxx  

      မိမိမသိနားမလည်သော သင်ခန်းစာများကိုဦးဓမ္မောဘာသကို မေးရသည်။
ဦးဓမ္မောဘာသက သေချာသေချာရှင်းပြ၏။ အဓိက မေးမြန်းဖြစ်သည်မှာ အင်္ဂလိပ်စာဖြစ်သည်။
     ဦးဓမ္မောဘာသ စာမေးပွဲကျသည်မှာ မြင်းကောင်းခွာလိပ်ခြင်းဖြစ်သည်။စာမေးပွဲအတွင်းကျန်းမာရေးမ
ကောင်းခဲ့၍ဟု သိရသည်။
     ခဏ ကျန်းမာရေးသည် တစ်နှစ်ဟူသောအချိန်ကို နောက်ဆုတ်စေခဲ့သည်။
      ဦးဓမ္မောဘာသနှင့် မိမိသည် စာကိုအကြောင်းပြု၍ ရင်းနှီးခင်မင်ခဲ့သည်။
     နံနက်တိုင်းမဟာပါသာဏလှိုဏ်ဂူဘက်လမ်းလျှောက်ဖြစ်ခဲ့သည်မှာလည်း ဦးဓမ္မောဘာသခေါ်သော
ကြောင့်ဖြစ်သည်။

       သာသနာ့တက္ကသိုလ်၌ နံနက်အရုဏ်တက်ဆွမ်းစာတုံး ခေါက်သည်။ ၇-နာရီထိုးခါနီး ၁၅-မိနစ်အလိုတွင်
သင်တန်းတက်ရန်ကြေးမောင်းခေါက်သည်။ဆွမ်းစားပြီးရရှိသောအချိန်ကလေးအတွင်းမိမိကတရေးတမော
အိပ်လိုက်သေးသည်။သင်တန်းကြေးမောင်းခေါက်ပြီးဖြစ်ကြောင်း အခန်းဖော်နှိုးမှ စားပွဲပေါ်တင်ထားသော
စာအုပ်ကို ကမန်းကတန်းယူကာ သင်တန်းသို့ သွားခဲ့သည်။
          စာသင်ချိန်ရောက်မှ မိမိ စာအုပ်ယူမှားခဲ့မိကြောင်းသိရသည်။စာအုပ်ပြန်ယူရန်အချိန်မရှိတော့။ဆရာပို့
ချမျှကို အခြားမှတ်စု စာအုပ်ထဲ၌ ရေးမှတ်လိုက်ရသည်။ ကျမ်းရင်းသုံးကျမ်းမဟုတ်၍တော်သေးသည်။
       ထိုအချိန်မှစ၍ အရုဏ်ဆွမ်းဘုဉ်းပေးပြီးလျှင်အချိန်ဇယားကိုကြည့်ကာသင်တန်းအတွက်ယူရမည့်စာ
အုပ်များကိုစာရေးပွဲပေါ်တွင်ထားခဲ့သည်။ထို့နောက်ဦးဓမ္မောနှင့်အတူ ကမ္ဘာအေးလှိုဏ်ဂူဘဲဥကန်ပတ်၍
လမ်းလျှေက်ဖြစ်သည်ခဲ့သည်။

                                                      xxxxxxxxxxxxxx

       ခရေနဲ့၊ကံ့ကော်ရနံ့တို့က ဆောင်းလေနှင့်အတူ သင်းပျံ့နေပါသည်။ နံနက်စောစောလမ်းလျှောက်ရ
သည်မှာစိတ်ကိုလန်းဆန်းစေသည်။ဝိဇယဓမ္မသဘင်ခန်းမရှေ့အရောက်တွင်ကလေးငယ်များ ခရေပန်း
ကောက်သည်ကိုတွေ့ရသည်။

      '' ဦးတေဇ၊ ခရေပွင့်ကလေးတွေကို အရှင်ဘုရား ဘယ်လိုမြင်လဲ''
         
     ရုတ်တရက်မေးလာသောမေးခွန်းကြောင့်စဉ်းစားရခက်သွားသည်။ခရေပန်းကောက်နေသောကလေးများ
ဆီသို့ အာရုံရောက်သွားသည်။
       “အင်း..ဒီခရေပန်းကလေးတွေဟာ ကလေးတွေအတွက်တော့ ဒီနေ့မုန့်ဖိုးရမှာပေါ့။ နောက်ပြီးခရေ
ပန်းဟာခြောက်တဲ့အထိ အနံ့မပျောက်ဘူးဆိုတော့ သစ္စာရှိတဲ့ပန်းပေါ့''
       ''တပည့်တော်ကတော့ တစ်မျိုးမြင်တယ် ဦးတေဇ''
       ''လုပ်စမ်းပါဦး''
       ''အရှင်ဘုရား၊ ဒီခရေပင်ကလေးတွေကို ကြည့်''
       ဝိဇယဓမ္မသဘင်ရှေ့ရှိခရေပင်များကိုညွှန်းပြသောကြောင့် မိမိကြည့်လိုက်သည်။
      '' ဒီခရေပင်တွေဟာ အလွန်ဆုံး ၂၅-နှစ်လောက်တော့ရှိမယ်ထင်တယ်ဦးတေဇ၊ ဘာကြောင့်လဲဆိုတော့ တက္ကသိုလ်ထဲက ခရေပင်တွေလောက်ရှိလို့ တက္ကသိုလ်တည်ဆောက်တဲ့အချိန်နဲ့ နှိုင်းယှဉ်ကြည့်တာပါ။
       '' ဒီ၂၅-နှစ်လောက်သက်တမ်းရှိတဲ့ခရေပင်ဟာလူတွေအတွက်အရိပ်တွေပေးနေပြီ။အပွင့်တွေလဲပွင့်
ပေးနေပြီး၊ အရှင်ဘုရားပြောသလို ကလေးတွေကိုလဲမုန့်ဖိုးပေးနေပြီးပေါ့။ တပည့်တော်တို့ကျတော့အသက်
၂၅-နှစ်ုဆိုပေမဲ့လဲ လောကအတွက် ဘာမှအကျိုးမပြုနိုင်သေးဘူး။ ဘာမှလဲ လုပ်မပေးနိုင်ဘူးဆိုတာ တွေးမိလို့ပါ''
        ထိုစကားသည် သူ့ရင်ထဲ၌မည်မျှကြာကြာ ခိုအောင်းနေခဲ့ပြီး မသိ။မျက်နှာ၏ တည်ကြည်ငြိမ်သက်သော
အမူအရာကို ကြည့်ခြင်းဖြင့် အလေးအနက် စဉ်းစားတွေးတောပြောဆိုနေကြောင်း သိလိုက်ရသည်။
       ''ဦးဓမ္မော၊ အရှင်ဘုရား စဉ်းစားကြည့်။ အခုတပည့်တော်တို့ ပညာသင်ကြားနေတယ်ဆိုတာကိုယ့်အ
တွက်ဆိုပေမဲ့လဲ တစ်နေ့ အများအတွက် အလုပ်လုပ်ဖို့၊ မြတ်ဗုဒ္ဓရဲ့ ဓမ္မတွေကို ဖြန့်ဝေဖို့ပါပဲ။ တပည့်တော်တို့ အခု ဒကာ၊ ဒကာမတွေရဲ့ ပစ္စည်းလေးပါးအထောက်အပံ့နဲ့နေရတယ်ဆိုတာဥပမာသစ်ပင်နဲ့
ပြောမယ်ဆိုရင် မကြီးပြင်းသေးတဲ့ သရက်ပင်တစ်ပင်လိုပါပဲ ''  
    ''သရက်ပင်ငယ်ငယ်ဟာလူတွေရဲ့ပြုစုမှု၊ရေလောင်းမှုတွေလိုတယ်။အဲဒီသရက်ပင်အသီးသီးပြီးဆိုရင်တော့
အားလုံးအတွက်ပြန်လည်မျှဝေခံစားပေးနိုင်တာပဲပေါ့။
      “  ဒီလိုပါပဲ။အရှင်ဘုရားတို့တပည့်တော်တို့ဟာအများကိုမှီခိုနေရတယ်ဆိုပေမဲ့လဲ မာလောနွယ်လိုမ
ဟုတ်ပါဘူး ဦးဓမ္မော။သရက်ပင်လိုပါ။ချိုမြိန်တဲ့အသီးတွေ ၊ အေးမြတဲ့အရိပ်တွေကို မျှဝေပေးနိုင်ဖို့အထိ 
အချိန်ပေးရမှာပေါ့ ''  
       ဦးဓမ္မော စိတ်ဝင်တစားရှိသည်ကို တွေ့ရသည်။
      '' နောက်ပြီး အရှင်ဘုရား စဉ်းစာကြည့်၊လယ်သမားတွေလယ်လုပ်ရာမှာ လယ်ကိုထွန်ယက်ချိန်ကစပါးကျီ
ထဲရောက်တဲ့အထိ အနည်းဆုံးငါးလလောက်အချိန်ပေးရမှာပါ။ ဒါဟာ တစ်နှစ်စားဖို့အတွက်နော်။
      “တပည့်တော်တို့ဟာ တစ်နေ့ သာသနာအတွက်အလုပ်လုပ်ရမှာဆိုတော့ ဒီလောက်တော့ အချိန်ပေးရ
မှာပေါ့။
      'တပည့်တော်တို့ ပါမောက္ခချုပ်ဆရာတော်(ဦးပဏ္ဍိတာဘိဝံသ) ပြောသလို ပညာသင်ချိန်မှာ အသက်ကို ဂရုစိုက်စရာမလိုဘူး၊ ကျန်းမာရေးကို ဂရုစိုက်ရမယ် ဆိုတဲ့စကားကိုတပည့်တော် အမြဲတမ်း နှလုံးသွင်းတယ်။ ဘာကြောင့်လဲဆိုတော့ ကျန်းမာရေးက အချိန်ကိုဖဲ့ယူတတ်လွန်းလို့ပါ''
    ''ဦးတေဇ၊ အရှင်ဘုရားပြောတာလဲ ဟုတ်တယ်၊ တပည့်တော်ကလူ့လောကကလူတွေနှိုင်းယှဉ်ကြည့်မိ
လို့ပါ'' 
       ဦးဓမ္မောသည် သဘာဝအရာဝတ္ထုများကို ကြည့်ပြီး လူ့ဘဝနှင့်နှိုင်းယှဉ်နေတတ်သည်။ သူ၏စိတ်ကူးစိတ်သန်းများကိုလည်း သူ၏ ရင်ထဲတွင်မထားတတ်။ မိမိကိုပြောပြတတ်သည်။ဤသို့ဖြင့် မိမိရော ဦးဓမ္မောပါတတိယနှစ်သို့ရောက်ရှိလာခဲ့ကြသည်။

                                         xxxxxxxxxxxxxxxxxxxxxxxxx

             တစ်နေ့သင်တန်းတက်ချိန်အပြီး ခေတ္တနားနေချိန်၌ စာသင်ဆောင်အနောက်ဘက် ကန်စောင်း
ပေါ်လမ်းလျှောက်ထွက်ခဲ့သည်။ သင်တန်းသားအချို့မှာ စာသင်ခန်းထဲတွင်ကျန်ခဲ့သည်။ အများစုမှာကန်
ပေါင်ရိုးပေါ် အညောင်းပြေလမ်းလျှောက်ကြသည်။ မိမိလျှောက်ခဲ့သည်မှာ ကန်၏အနောက်တောင်ထောင့်သို့
ရောက်လာသည်။ ကန်ထောင့်တွင် ငါးများမမျှားစေရန် သံဆန်ကာဖြင့် ကာထားသော ရေလွှဲပေါက်ရှိသည်။
ဦးဓမ္မောက ရေလွှဲပေါက်ရေစီးနေသည်ကို စိုက်ကြည့်နေသည်။
        ''ဦးဓမ္မော၊ ဘာတွေကြည့်နေတာလဲ''
        ''ရေစီးနေတာကို ကြည့်ပြီး မြစ်နဲ့ရေသဘောကို စဉ်းစားမိလို့ပါ ''
         ''ကဲ..အရှင်ဘုရား ပြောစမ်းပါအုံး''
         ''မြစ်ဆိုတဲ့သဘောဟာ ရေတွေကို စနစ်တကျစီးသွားအောင် ထိန်းကွပ်ပေးတယ်။ နောက်ပြီးရေကောင်း
ရေဆိုးတွေပါ အကုန်လက်ခံပြီး ပင်လယ်ထဲရောက်အောင် ပို့ပေးတယ်''
          ဦးဓမ္မောက ပခုံးမှလျောကျလာသော သင်္ကန်းကို ပြန်တင်သည်။
         ''တစ်ခါတစ်ခါတော့မြစ်တွေဟာရေတွေရဲ့ကြမ်းတမ်းတဲ့ရိုက်ခတ်မှုတွေကြောင့် ကိုယ်တိုင်ကမ်းပြိုပေး
ရရှာတယ်။ ဒီလိုကမ်းပါးတွေပြိုလာတော့ မြစ်တွေဟာ တိမ်လာတယ်။ ဒါပေမဲ့ကမ်းပါးကတော့ပိုပြီးတော့ကျယ်
ပြန့်လာခဲ့တယ်''
       ဦးဓမ္မောသည် စကားကိုခဏရပ်သည်။ ''ဒီလိုပါပဲ။ မြစ်နဲ့တူတဲ့ ဆရာတွေဟာ ရေနဲ့တူတဲ့တပည့်တွေကို
ကောင်းသူရော ဆိုးသူရော လောကထဲဝင်ဆံ့နိုင်အောင် စနစ်တကျပြုပြင်ပေး ပညာသင်ပေးကြတယ်။ တစ်ခါတစ်ခါဆရာရဲ့ စေတနာကို နားမလည်တဲ့တပည့်တွေနဲ့တွေ့ခဲ့ရင်လဲ ဆရာဟာ မေတ္တာစေတနာထားပြီး ခွင့်လွတ်ရပြန်တယ်။ ဒီလိုနဲ့ ဆရာ့ရဲ့မေတ္တာစေတနာတွေဟာ ကြီးမားကျယ်ပြန့်လာခဲ့တယ်။ ဒါပေမဲ့ မြစ်တွေ
တိမ်လာသလို ဆရာတွေရဲ့ အသက်အရွယ်တွေကတော့ ကြီးရင့်လာကြရတာပါပဲ''
         ဆရာတစ်ယောက်၏ လေသံမျိုးဖြင့်ဦးဓမ္မောပြောပါသည်။ 
         ထို့ကြောင့်ထင်သည်။ ဦးဓမ္မောသည် တော်တော်တန်တန်ကိစ္စဖြင့် ခွင့်မယူတတ်။ သင်တန်းပျက်ကွက်
မှုနည်းသည်။ နှာစေး၊ခေါင်းကိုက်လောက်တော့သူမမှု။ဖျားသည်ကိုပင်သူဂရစိုက်။စိန်ဘယက်ငန်းနီကျော်ဖြင့်
ချွေးထွက်အောင်လုပ်လိုက်လျှင် သူအဆင်ပြေသွားပြီ။
      ထိုကဲ့သို့ ပေတေတေနေတတ်သည်ကို မိမိသဘောမတွေ့။ ဖြစ်စေချင်သည်မှာ နေမကောင်းလျှင်ခွင့်ယူ
စေချင်သည်။ အလွန်ဆုံးသုံးရက်ပေါ့။ နေကောင်းလျှင် စာပြန်ကူး၍ ရသည်။
       ''စာကူးလို့ရတာတော့မှန်တယ် ဦးတေဇ။ ဆရာကြီးနန္ဒာသိန်းဇံတို့၊ ဆရာကြီးမောင်ခင်မင်(ဓနုဖြူ)တို့ ပို့ချချက်တွေဆိုရင် ဘယ်လိုကူးမှာလဲ။ဟောပြောပို့ချချက်နဲ့ ပို့ချတာဆိုတော့ နားထောင်မှသိရတာ။သင်တန်း
ပျက်ရင် အဆက်အစပ် မမိတော့ဘူး။ သေသေချာချာနားထောင်တတ်ရင်နားထောင်သလောက်အကျိုးရှိ
တာ''
       ဦးဓမ္မောပြောသည်မှာလည်း မှန်ပါသည်။ ဆရာကြီးတို့ စာပို့ချသည်မှာ မှားတတ်သောအချက်အလက်
များကို White Board ပေါ်မှာရေးပြတာက လွဲပြီး ဟောပြောပို့ချနည်းဖြင့် ပို့ချသည်။ စိတ်ဝင်စားစရာကောင်း
သကဲ့သို့ အတွေးသစ် အမြင်သစ်တို့လည်း ရသည်။ ထို့သို့ အတွေးသစ်အမြင်သစ်များကို ပေးသည်မှာသာ
သနာ့တက္ကသိုလ်မှ ဆရာတိုင်းပင်ဖြစ်သည်။ ဆရာကြီးတို့ ပို့ချချက်များကို နားထောင်းကောင်းကောင်းဖြင့် နားထောင်မိနေလျှင် တစ်ခါတစ်ခါ မှတ်စုစာအုပ်၌ ရေးမှတ်ရမည်ကို မေ့လျောနေတတ်သည်။ 
      ဆရာကြီးနန္ဒာသိန်းဇံ သင်တန်းပြီးလျှင်ပြောစရာဒဿနများကျန်ခဲ့သည်။ဆရာကြီးမောင်ခင်မင်(ဓနုဖြူ)
သင်တန်းပြီးလျှင်မြန်မာစာပေ သဘောတရားတွေကျန်ခဲ့သည်။ မိမိအတွက်အချိန်ကုန်မြန်သည်ဟုထင်မိ
သည်။
      ဆရာကြီးနန္ဒာသိန်းဇံ စာပို့ချလျှင် အတွေးပါသော ခေါင်းစဉ်တစ်ခုခု ပေးထားခဲ့တတ်သည်။ ယနေ့လည်း ဆရာကြီးက''ဗုဒ္ဓဝါဒသည် personal morality လား  Social  morality လား” ဟု ခေါင်းစဉ်ပေးထားခဲ့သည်။ တွေးတောစရာလမ်းကြောင်းလည်း ခင်းပေးခဲ့သည်။
      ''ဦးတေဇ၊ အဲဒါ ဘယ်လိုသဘောရလဲ။ ဗုဒ္ဓဝါဒဟာpersonal လား   Social ”   
       ဦးဓမ္မောသည် သူ၏အတွေးများကိုပြောပြတတ်သကဲ့သို့ သူများသဘောထားကိုလည်း မေးတတ်သည်။
      ''ဗုဒ္ဓဝါဒဟာ  personal morality   ပြောလို့ရသလို  Social  morality လို့လဲပြောလို့ရတယ်”
       ''ဘာကြောင့်လဲဦးတေဇ''
       ''ဘာကြောင့်လဲဆိုတော့... ''
        ''ပြောမှာသာပြောစမ်းပါ ''
        ''မြတ်ဗုဒ္ဓက လောကလူသားတွေအတွက် ဝိမုတ္တိလမ်းစဉ်ကို လျှောက်လမ်းနိုင်ဖို့ မဂ္ဂင်ရှစ်ပါး သစ္စာလေးပါးစတဲ့ ဓမ္မတွေကို ဟောခဲ့တယ်။ကျင့်ကြံအားထုတ်တဲ့သူဟာဒုက္ခတွေကိုလွတ်မြောက်ပြီးနိဗ္ဗာန်ကို
ရောက်နိုင်ကြောင်းကိုဓမ္မစကြာမှာ “ ဣဒံခေါပန ဘိက္ခဝေ ဒုက္ခ နိရောဓ ဂါမိနီ ပဋိပဒါ အရိယသစ္စံ။ အယမေဝ အရိယောအဋ္ဌင်္ဂီကောမဂ္ဂေါ''လို့မြတ်ဗုဒ္ဓဟောကြားခဲ့တယ်။
   ဝိမုတ္တိဖြစ်အောင်လုပ်ရမှာက ကိုယ်တိုင်ကျင့်သုံးလိုက်နာမှ ဖြစ်တဲ့အတွက်ဒါဟာ  personal  morality  သဘောသက်ရောက်တယ်။ ဒါပေမဲ့အချို့အရာတွေဟာ ကိုယ်တိုင်ကျင့်သုံးနေပေမဲ့လည်းသွယ်ဝိုက်သော
နည်းတွေနဲ့ Social  morality သဘောသက်ရောက်တာရှိတယ် '' 
      ''ဘယ်လိုဟာတွေလဲ ဦးတေဇ''
       ''အရှင်ဘုရား၊ ငါးပါးသီလကိုပဲကြည့်။ သူ့အသက်မသတ်နဲ့၊ သူများဥစ္စာမခိုးနဲ့၊ သူများသားမယားကို 
မကျူးလွန်နဲ့ စတာတွေဟာ လူသားတိုင်းကျင့်သုံးဖို့ပါ။ ဒီငါးပါးသီလဟာ လူတွေရဲ့နေ့စဉ်ဘဝနဲ့လဲ ယှဉ်နေ
သလို ဗုဒ္ဓဘာသာဝင်ကောင်းတစ်ယောက် ဖြစ်ဖို့ စောင့်ထိန်းရမယ့် တရားတွေပါ။
     '' ငါးပါးသီလကို စောင့်ထိန်းတာဟာ  personal morality သဘောသက်ရောက်နေတယ်လို့ဆိုနိုင်ပါ
တယ်။ ဒါပေမဲ့ မစောင့်ထိန်းရင် ဖြစ်လာနိုင်တဲ့မကောင်းတဲ့အကျိုးဆက်တွေကိုပါသွယ်ဝိုက်သောနည်းနဲ့စောင့်
ထိန်းပြီးဖြစ်လို့ အများအတွက် ကောင်းကျိုးပြုနေတာဖြစ်တဲ့အတွက်Social moralityသဘောသက်ရောက်
နေပြန်တယ်။
    ''အခုဖြစ်နေတAIDSဆိုတဲ့ရောဂါရဲ့ကူးစက်နိုင်တဲ့နည်းလမ်းတွေကကာမဆက်ဆံမှုတစ်ခုလဲပါဝင်နေ
တယ်။ကာမေသုမိစ္ဆာစာရ သိက္ခာပုဒ်ကို ကျင့်သုံးတာဟာ ကိုယ်တိုင်ကာကွယ်ပြီးသားဖြစ်နေသလို သွယ်ဝိုက်သောနည်းနဲ့ လူသားများအတွက် အကျိုးပြုနေတာ တွေ့ရလိမ့်မယ်။ ဒါဟာ Social  morality ပဲပေါ့။
     ''မြတ်ဗုဒ္ဓကိုယ်တော်တိုင် ကျင့်သုံးခဲ့တဲ့ ဗုဒ္ဓစရိယဆိုတာဟာ အတ္တဟိတ (personal ) လို့ဆိုနိုင်ပေမဲ့ အတ္တဟိတကို အခြေခံပြီး ဥာတတ္ထစရိယ လောကတ္ထစရိယဆိုတဲ့ ပရဟိတကို လုပ်နိုင်ခဲ့လို့Social  morality လည်းဖြစ်ခဲ့တယ်။'
     “ နောက်ပြီး မြတ်ဗုဒ္ဓဟောကြားခဲ့တဲ့ မင်္ဂလသုတ်၊ သိင်္ဂါလောဝါဒသုတ် အသက်မွေးဝမ်းကျောင်းနဲ့စပ်တဲ့ သမ္ပဒါတရားလေးပါး စတာတွေဟာ ပညာရေး၊ စီးပွားရေး၊ လူမူရေးတွေကို ညွန်ပြထားတဲ့အတွက် Social 
 morality ပဲပေါ့''
      ''ကဲ...ဘယ်လိုလဲ ဦးဓမ္မော''
      ''ဟုတ်ပါတယ်''
      မိမိနှင့် ဦးဓမ္မော အကြောင်းအရာတစ်ခုကိုဦးတည်၍ ဆွေးနွေးရာတွင် မဝေခွဲ မဆုံးဖြတ်နိုင်ပါက
အဆောင်မှူးဖြစ်ဖြစ် ၊ ဆရာတစ်ဦးဖြစ်ဖြစ် မေးမြန်းကြသည်။ အချိန်ကာလက ကုန်လွယ်လွန်းလှသည်။ မိမိရော ဦးဓမ္မောပါ စတုတ္ထနှစ်သို့ ရောက်လာခဲ့ကြသည်။ စတုတ္ထနှစ်တွင် သင်တန်းသားအားလုံးမဲနှိုက်သည့်
့ခေါင်းစဉ်ဖြင့် ရေးရသည့် ဘွဲ့ယူစာတမ်းတစ်စောင်စီကို ဗဟိုစာစစ်အဖွဲ့သို့ အတန်းတင်စာမေးပွဲအမီ တင်သွင်းကြရသည်။ မိမိနှင့်ဦးဓမ္မောလည်း စာတမ်းတစ်စောင်စီ တင်သွင်းခဲ့ကြသည်။ အတန်းတင်စာမေးပွဲ စတုတ္ထနှစ်ကိုလည်းအောင်မြင်ခဲ့ကြသည်။မဟာတန်းတက်ခွင့်တော့မရခဲ့ကြ။တောင်တန်းဒေသသို့သာသနာ
ပြုအဖြစ်ကြွကြရသည်။
       ဦးဓမ္မောဘာသက မကွေးတိုင်း၊မင်းလှမြို့နယ်၊ .... သာသနာပြုဌာန၊ မိမိက ရခိုင်ပြည်နယ်၊ဘူးသီးတောင်
မြို့နယ်ရှိ...သာသနာပြုဌာနသို့အသီးသီး၂နှစ်တာဝန်ဖြင့်လမ်းခွဲခဲ့ကြသည်။ဘွဲ့ယူမည့်နှစ်ဘွဲ့နှင်းသဘင်တွင်
မှ ပြန်ဆုံကြရပေတော့မည်။

                                            xxxxxxxxxxxxxxxxxxxxxx

           ဦးဓမ္မောဘာသ သာသနာပြုဌာနတွင် မည်သို့နေထိုင်ရသည် မသိ။   
          မိမိသာသနာပြုဌာနတွင်စတင်တွေ့ရသည်ကလမ်းခရီး၏ကြမ်းတမ်းမှုပင်ဖြစ်သည်။ဘူးသီးတောင်မြို့မှ
မေယုမြစ်အတိုင်း စက်လှေစီးကာ သွားရသည်။ ဒုံးသိမ် သာသနာပြုဌာန၌ တစ်ညကျိန်းရ၏။ ထိုမှ စက်လှေ
ဖြင့် စိုင်းတင်ချောင်းဖျား ရေတံခွန်အထိ သွားရပြန်သည်။ ထိုရေတံခွန်မှစ၍ တောင်ပေါ်ခရီးလမ်းဖြစ်သည်။ တစ်တောင်ဝင်၊တစ်တောထွက်၊တစ်ကုန်းတက်၊တစ်တောင်ကျော်ကာသွားရသည်မှာတစ်နေကုန်ပင်ဖြစ်
သည်။
မိုးရွာပါကတောင်ပေါ်လမ်းသည်ချော်သကဲ့သို့တောင်ကျရေသည်လည်းရေစီးသန်၏။တောင်ကြောလမ်းတစ်
လျှောက်ဝါးခုတ်သူများပစ်ထားသည့် ဖရိုဖရဲပြန့်ကျဲနေသောဝါးချွန်များပိုင်းများတို့လည်းသတိထား ရှောင်
သွားရသည်။ ထိုအထဲ ကျွတ်ကလဲ ပေါလိုက်သေးသည်။
      တောင်ပေါ်လမ်းခရီးကို လျှောက်ရသည်မှာ ကိုယ်ပင်ပန်း၍ စိတ်လည်းနွမ်းရ၏။ ဆောင်းရာသီ ညဘက်
သန်းခေါင်အချိန်ရောက်ပြီးဆိုပါကအအေးဒဏ်ကြောင့်အိပ်မပျော်တော့။ခန္ဓာကိုယ်အတွက်အနွေးဓါတ်မြန်မြန်
ရစေရန် ဝါးခြမ်းများဖြင့် အရင်မီးမွှေးရ၏။ နောက်မှ ထင်းထည့်ရသည်။ အနွေးဓါတ်ရမှ ပြန်အိပ်ရသည်။
     ရောက်ခါစက တောင်ယာဆန်သည် မိမိခံတွင်းနှင့် စိမ်းနေ၏။ ပေါ်ဆန်း၊ ငကျွဲ စသည့်ဆန်များနှင့် ရင်းနှီး
ခဲ့ရသော ခံတွင်းသည် စိမ်းမည်ဆိုက စိမ်းနိုင်ပါ၏။ ဆွမ်းဝိုင်းသို့ရောက်လာသော ဆီမပါဖွေးနေသော ငှက်
ပျောသီးနုနုဟင်းက လောကဓံတရား၏ ပြယုဂ်တစ်ခု ဖြစ်နေခဲ့သည်။ တစ်ခါတစ်ခါ ဘယ်လက်ကကပ္ပိယ၊ညာ
လက်က ဘုန်းကြီးဖြစ်ခဲ့ရသည်။ အပူလိုက အအေးရ၊ အအေးလိုက၊အပူရဟူသောစကားကိုအခုမှပိုမိုသဘော
ပေါက်ခဲ့ပါ၏။
     ''ရောက်တဲ့အရပ်မှာ ပျော်အောင်နေ၊ တွေ့တဲ့လူနဲ့တည့်အောင်ပေါင်း၊ ရှိတာလေးနဲ့ သင့်အောင်စား'' 
ဟုကြားဖူးခဲ့သောစကားကို လက်တွေ့ကျင့်သုံးနေရပြီး။
      ''ရှိသည့်ပစ္စည်းဖြင့် အလုပ်ဖြစ်အောင် လုပ်တတ်ခြင်းသည် အကြီးမားဆုံးသောအရည်အချင်းဖြစ်သည်''  ဟူသော ဂျော့ခ်ဝါရှင်တန်ကာဗာ၏ အဆိုအမိန့်ဖြင့် မိမိအရည်အချင်းကို မြှင့်တင်ရ၏။ သဘောထားပြည့်ဝသူဟု မခံယူဝုံသေးသော်လည်း သဘောထားပြည့်ဝအောင်တော့ ကြိုးစာရသည်။ သာသနာတက္ကသိုလ်၌ လေးနှစ်ဟူသော အချိန်ကာလသည်မြန်သည်ဟုထင်ရသော်လည်းသြရမတောင်
တန်းကြီးပေါ်၌ လေးရက်ဟူသောကာလသည်ပင် လေးနှစ်လောက်ရှိသည်ဟု ထင်မိသည်။
     ထိုသို့ဖြစ်လျှင် ကိုလိုနီအစိုးရ၏ တားဆီးပိတ်ပင်မှုကို ဖောက်ထွင်းကျော်လွှားပြီး တောင်တန်းသာသနာပြု
ခဲ့ကြသော ဆရာတော်ဦးဇာဂရိယ ပုသိမ်ဆရာတော်ဦးဝိမလ၊ ဦးစိန္တာမဏိ၊ကြံခင်းဦးတိဿ၊ ယောနယ်သား ဦးတိဿနှင့် ဆရာတော်ကြီး ဦးဥတ္တမသာရတို့ကို အာရုံပြုကာ စိတ်ဓါတ်ကို မြှင့်တင်ရ၏။  
       ''ဗုဒ္ဓသာသနဘာရော အဝဿံ ဝဟိတဗ္ဗော'' ''ငါသည် ဗုဒ္ဓသာသနာ့တာဝန်ကိုမချွတ်ထမ်းဆောင်ရမည်''
ဟူသောတောင်တန်း သာသနာပြု စိစစ်ရေးကတ်ပြားပေါ်ကစာသားကလေးက မိမိအား သတိပေးနေသလို
လို။ဗုဒ္ဓဘာသာဝင် တောင်ပေါ်တိုင်းသားရင်းတို့အတွက် စေတီကလေးတစ်ဆူ ရှိပါကများစွာအကျိုးရှိမည်ဟု
ု ထင်မိ၏။ နှလုံးသားတွင် စွဲမြဲစွာဘုရားမတည်နိုင်သေးသူများဖို့ စေတီကလေးသည် နှလုံးသား ဘုရားတည်
ရန်အတွက် အထောက်အကူပြုမည်ဟု ထင်မြင်မိသည်။ 
         ဘုန်းကြီးသင် ပညာရေးကျောင်းကို တည်ထောင်ဖွင့်လှစ်ပြီး ကလေးငယ်များကို စာသင်ရင်းဖြင့်တစ်နှစ်
ကျော်သော အချိန်ကာလသည် ကုန်လွန်ခဲ့ရပြီ။ နောက်တစ်နှစ် ဝါဆိုရန်အတွက် ဧပြီလ ရန်ကုန်သို့ဆင်းလာ
ခဲ့သည်။

                                           xxxxxxxxxxxxxxxxxxxxxx

         ''ဦးတေဇ၊ ဦးဓမ္မောဘာသ ငှက်ဖျားကြောင့်ပျံလွန်တော်မူသွားပြီး ''  
         အဆောင်ရောက်ရောက်ချင်းကြားရသောစကားကြောင့်မိမိ၏ဦးခေါင်းသုံးလုံးစာလောက်ကြီးထွက်သွား
သလို ခံစားလိုက်ရသည်။ မိမိ အကြားမှားနေရော့သလား။ ယခင်ကဖျားမှန်းရင်းမှန်းမသိခဲ့ရသော ငှက်ဖျားကို မိမိလည်းခံစားရခဲ့ဖူးပြီ။ယခုခေတ် ဆေးတွေကောင်းပါလျက် ယခုကဲ့သို့ဆုံးပါးသွားနိုင်စရာ အကြောင်းမရှိ။ မိမိမယုံကြည့်နိုင်အောင် ဖြစ်ရသည်။ 
       ''ဟုတ်ကော ဟုတ်ရဲ့လား ဦးသုမင်္ဂလရယ် ''
        ''ဟုတ်တယ် ဦးတေဇ၊ ဒီသတင်းဟာ အမှန်အကန်ပါပဲ။ ဒီလိုဖြစ်ရတာဆေးရုံအရောက်နောက်ကျလို့တဲ့''
      ဦးသုမင်္ဂလပြောသလို  ဟုတ်နိုင်ပါသည်။တောင်ပေါ်ဒေသနှင့်မြို့ဆေးရုံသည်မည်မျှဝေးလေပြီ မသိ။ 
      ဦးဓမ္မော၏ ပုံရိပ်များက မိမိအားလွှမ်းမိုးလာသည်။
     ကျန်းမာရေးနှင့် ပတ်သက်လာလျှင် ပေပေတေတေနေတတ်ကာ သင်တန်းမှန်ခဲ့သော ဦးဓမ္မော။ ဒီလိုများ နေခဲ့မိလို့လား.....။
     သာထွန်းပြန့်ရုံးသို့သာသာနာပြုစိစစ်ရေးကတ်ပြားထုတ်ယူရန်သူနှင့်အတူသွားခဲ့သောခြေလှမ်းများသည်
မိမိနှင့်သူ နောက်ဆုံးအချိန်လျှောက်လမ်းခဲ့သော ခြေလမ်းများဖြစ်လိမ့်မည်။ မှတ်ထင်မထားမိခဲ့ပါ။ ဘွဲ့နှင်းသ
ဘင်၌ ပြန်ဆုံမည် ဟုပြောခဲ့သော်လည်း အခုတော့ ပြန်ဆုံနိုင်စရာမရှိတော့။ 
      သဘာဝအရာဝတ္ထုများကို လူ့ဘဝနှင့်နှိုင်းယှဉ်နေတတ်သော ဦးဓမ္မော...။ 
     ခရေပင်ကိုကြည့်ပြီးလောကအတွက်ဘာမှအကျိုးမပြုနိုင်သေးဘူးဟုသူကိုယ်သူအားမလိုအားမရပြောခဲ့
သောဦးဓမ္မော...။
     သြော်...အခုတော့ အကြွေစောခဲ့ပြီ။
     ''ဦးတေဇ၊ တပည့်တော်တစ်နေ့အလုပ်လုပ်ရင် စာသင်တိုက်ပဲဖွင့်မယ်'' ဟုသူပြောခဲ့သောစကားများ....။
     အခုတော့...တိမ်လိုလွင့်မျောခဲ့ပြီ။
      ထိုစဉ်...ဥဿာသီရိဥယာဉ်ဘက်ဆီမှ ဆွဲဆွဲငင်ငင်အသံတစ်ခု ထွက်ပေါ်လာ၏။
      ''ဥသြ...ဥသြ...ဥသြ...''
      ''ဥသြငှက်ကလေးရယ်...ဦးဓမ္မောကို ပြောလိုက်ပါ။ အရှင်ဘုရား တာဝန်ကျေပါတယ်လို့။
      ''အရှင်ဘုရားရဲ့ ဂုဏ်သတင်းဟာလဲ ကမ္ဘာအေးကုန်းမြေမှာ ခရေရနဲ့နဲ့အတူ မွှေးပျံ့နေမှာပါ'' ဟု မိမိစိတ်ထဲမှ ပြောဆိုမိနေပါတော့သည်။

          (မကွေးတိုင်း၊ မင်းလှမြို့နယ်၊ပနီဆုံ သာသနာပြုဌာန၌ သာသနာပြုတာဝန်ထမ်းဆောင်ရင်း ၂ဝဝ၆-ခုနှစ်တွင် ပျံလွန်တော်မူခဲ့သော မန္တလေး သာသနာ့တက္ကသိုလ်ဆင်း ဦးနန္ဒဝံသကို ရေစကြိုကို ဂုဏ်ပြုလျှက်)

                                                                                                      အရှင်ဓမ္မိက (လောင်းလုံ)  

  ဓမ္မရတနာဓမ္မမဂ္ဂဇင်းတွင်ဖေါ်ပြပြီးဖြစ်ပါသည်။

               

                         ရခိုင်ပြည်နယ် မြောက်ပိုင်း၊ဘူးသီးတောင်မြို့နယ်ရှိ စိုင်းတင်ရေတံခွန်နောက်ခံ နှင့် စာရေးသူ