****နမော တဿဘဂဝတော အရဟတော သမ္မာသမ္ဗုဒ္ဓဿ****

Monday, June 13, 2011

စိန်ရတနာဆရာတော် ဘဒ္ဒန္တသာသန၀ရ ၏ ပရိယတ္တိသာသနာရေး အတွေးအခေါ်များ

စိန်ရတနာဆရာတော် ဘဒ္ဒန္တသာသန၀ရ ၏ ပရိယတ္တိသာသနာရေး အတွေးအခေါ်များ




၁။ ဓမ္မစေတမန် အဖွဲ့ဖွဲ့စည်းရန်

ထိုအဖွဲ့မှ တစ်ဆင့် သာသနာရေး အမျိုးမျိုး ဆောင်ရွတ်နိုင်သည်။


၂။ လိုအပ်သော စာမေးပွဲများ ကျင်းပရန်

မြန်မာနိုင်ငံပရိယတ္တိပညာရေးကို စာမေးပွဲက ဦးဆောင်နေသည်။ စာမေးပွဲမြင့်လျှင် ပရိယတ္တိ မြင့်၍ စာမေးပွဲနိမ့်လျှင် ပရိယတ္တိနိမ့်သည်။ မြန်မာနိုင်ငံ ပရိယတ္တိစာမေးပွဲများသည် ပါဠိအဖတ်စွမ်းရည်နှင့် အကြားစွမ်းရည်တို့ကိုသာ တိုးတက်စေ၍ အရေးစွမ်းရည်နှင့် အပြောစွမ်း ရည်တို့ကို မတိုးတက်စေပါ။ တနည်းအားဖြင့် ကျမ်းစာထဲမှာ ပါသော အကြောင်းအရာကိုသာ မှတ်မိစေနိုင်၏၊ သုတကိုသာ တိုးပွားစေနိုင်၏။ ကိုယ်တိုင် ရေုးသားနိုင်ခြင်း, ပြောဆိုနိုင်ခြင်းကို မဖြစ်စေနိုင်၊ ပညာကိုမတိုးပွားစေနိုင်။ တိပိဋက စာမေးပွဲကြီး၌ပင် အာဂုံပြန်ဆိုရခြင်းနှင့် ကျမ်းစာ အရှိအတိုင်း ရေးဖြေရခြင်းတို့သာ ပြဋ္ဌာန်းထား၏၊ thesis တင်ခြင်းကို ပြဋ္ဌာန်းမထားပါ၊ သို့ဖြစ်၍ ကိုယ်တိုင်ရေးနုိုင်ခြင်း စွမ်းရည်ကို မဖြစ်စေပါ။ တခြားစာမေးပွဲများလည်း ထို့အတူပင် ဖြစ်ပါသည်။ ထို့ကြောင့် ယခုခေတ်၌ လယ်တီဆရာတော်တို့လို, သဒ္ဒနီတိ ဆရာတော်တို့လို, သီလက္ခန်ဋီကာသစ် ဆရာတော်တို့လို ပါဠိရေးကျမ်းပြု ဆရာတော်များ မြန်မာနိုင်ငံ၌ မပေါ်ပေါက်ခြင်းဖြစ်သည်။ သို့ဖြစ်၍ ပါဠိအရေးအပြော စွမ်းရည်တို့ကို တိုးတက် စေနိုင်သော စားမေးပွဲများ မဖြစ်မနေ ကျင်းပသင့်သည်။






၃။ အင်္ဂလိပ်စာနှင့် ကွန်ပျူတာပညာများပါ သင်ကြားရန်

မြန်မာနိုင်ငံ ပရိယတ္တိပညာ သင်နည်းသည် နှစ်မျိုးရှိ၏။ ၎င်းနှစ်မျိုးမှာ ပခုက္ကူနည်းနှင့် မန္တလေးနည်း တို့ဖြစ်၏။ ( တောင်မြို့ မဟာဂန္ဓာရုံ ဆရာတော်သည် ပခုက္ကူနည်း, မန္တလေးနည်း နှစ်နည်းလုံးတတ်သော ဆရာတော်ဖြစ်သည်။ ) ပခုက္ကူနည်းမှာ ကျမ်းစာပေါက် အောင် သင်သောနည်းဖြစ်၏၊ ဝေဖန်ဆန်းစစ်မှုနည်း၏၊ စာမေးပွဲမပါ။ အင်္ဂလိပ်စာမပါ၊ ကွန်ပျူ တာမပါ။ မန္တလေးနည်းမှာ ကျမ်းစာပေါက်အောာင် သင်သောနည်းမဟုတ်၊ ဝေဖန်ဆန်းစစ်မှု များ၏၊ ( သို့သော် အရေး, အပြော, စွမ်းရည်တို့ကို တိုးတက်စေသော နည်းမပါ။) စာမေးပွဲပါ၏၊ အင်္ဂလိပ်စာမပါ၊ ကွန်ပျူတာမပါ။

သို့ဖြစ်၍ ပခုက္ကူနည်းနှင့် မန္တလေးနည်းကို ပေါင်း၍ ( ၁) ကျမ်းလည်းပေါက်စေသော၊ (၂) ဝေဖန်ဆန်းစစ်မှုလည်း များသော၊ (၃) အရေး,အပြော စွမ်းရည်တို့ကိုလည်း တိုးတက်စေ သော၊ (၄) စာမေးပွဲလည်း ပါသော၊ (၅) အင်္ဂလိပ်စာနှင့် ကွန်ပျူတာတို့လည်း ပါသော ပညာ သင်နည်းဖြင့် သင်ကြားသင့်သည်။ ထိုနည်းဖြင့် ပညာသင်ကြားရန် စဉ်းစားလိုက်သော အခါ ပိဋကသုံးပုံကို (၇) အုပ်စုခွဲ၍

(၁) ၀ိနယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၂) ဒီဃနိကာယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၃) မဇ္ဈိမနိကာယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၄) သံယုတ္တနိကာယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၅) အဂုင်္တ္တရနိကာယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၆) ခုဒ္ဒကနိကာယ၊ပါဠိ၊မြန်မာ၊အင်္ဂလိပ်၊ကွန်ပျူတာ
(၇) အဘိဓမ္မာ၊ပါဠိ၊မြန်မာ၊အင်္ဂလိပ်၊ကွန်ပျူတာ


(၇)ဌာနခွဲ၍ သင်သင့်သည်။ တစ်ဌာန တစ်ဌာနကို သုံးနှစ်ခန့်ခွဲ၍ သင်လျှင် သင့်တော်မည် ထင်သည်။ ထိုသင်နည်းကို အကောင်အထည် ဖော်သောအခါ စာမေးပွဲကျင်းပ၍ အကောင် အထည် ဖေါ်နည်း၊ ကျောင်း သို့မဟုတ် တက္ကသိုလ် တည်ထောင်၍ အကောင်အထည် ဖေါ်နည်းဟု နှစ်မျိုးရှိပြန်သည်။
ထိုနှစ်မျိုးအနက် စာမေးပွဲကျင်းပ၍ အကောင်အထည် ဖေါ်နည်းသည် အကုန်အကျ သက်သာသည်၊ တာဝန်မကြီး၊ ထိရောက်သည်၊ အရာကျယ်သည်။ ကျောင်း သို့မဟုတ် တက္ကသိုလ် တည်ထောင်၍ အကောင်အထည် ဖေါ်နည်းသည် အကုန်အကျ များသည်၊ တာဝန်ကြီးသည်၊ ထိရောက်သည်၊ အရာကျဉ်းသည်။
သို့ဖြစ်၍ စာမေးပွဲကျင်းပ၍ အကောင်အထည် ဖေါ်နည်းကို ပို၍ကြိုက်သည်။


၎။ ပါဠိတော်မြန်မာပြန်များကို စာမေးပွဲကျင်းပပေးရန်

ဤစာမေးပွဲကို လူဝတ်ကြောင်တွေကိုပါ ဖြေဆိုခွင့်ပြု သင့်သည်။ မှတ်မိသမျှ အကျိုးရှိ သည်၊ သဒ္ဓါတရား အားကောင်းလာစေနိုင်သည်၊ ဘုရားနှင့် တွေ့ရသလို ဖြစ်မည်၊ ဟောတရား များကို နာကြားရသည်ထက် ပို၍အကျိုးရှိသည်။






၅။ ပိဋကစွယ်စုံကျမ်း ပြုစုရန်

ဓမ္မဗိမာန်က ပြုစုထားပြီးသော ဂါထာသူစိ၊ ပိဋက၀တ္ထု လမ်းညွန်၊ ပိဋကသုံးပုံ သရုပ်စုံ၊ အဘိဓာန်၊ ( ရေးသားဆဲ၊ ၉၅ ရာခိုင်နှုန်း ပြီးစီး) နှင့် တိပိဋက ပါဠိ၊မြန်မာ၊အဘိဓာန် ကောက် နှုတ်ချက် (စုဆောင်းဆဲ) တို့သည် ပိဋက စွယ်စုံကျမ်း၏ အစိတ်အပိုင်းများဟု ဆိုနိုင်သည်။ နောက်ထပ် (၃၀) ရာခိုင်နှုန်းခန့် ပြုစုလျှင် ပိဋက စွယ်စုံကျမ်း ပြီးစီးနိုင်ပါသည်။


၆။ ပိဋကလမ်းညွန်သစ် ရေးသားပြုစုရန်

ဆရာတော် ဦးသီဟဗလ ရေးသားပြုစုထားသော ပိဋကလမ်းညွန်သည် အလွန်ကောင်း ပါ၏၊ သို့သော် မဆိုစလောက် အနည်းငယ် အားနည်းလျက် ရှိသော တည်ပုဒ်, ကျမ်းညွှန်းနှင့် အက္ခရာစဉ်တို့ကို ပြုပြင်မွမ်းမံ လိုက်ပါက "အတိုင်းထက်အလွန် တံခွန်နှင့်ဘုရား'' ဆိုသလို အလွန့်အလွန် ပို၍ကောင်းသွားနိုင်စရာ ရှိပါသည်။ သို့တည်းမဟုတ် ပိဋကလမ်းညွှန်သစ် ပြုစု သင့်ပါသည်။ ပိဋကလမ်းညွှန်သစ် ပြုစုရန်အတွက် ဓမ္မဗိမာန်မှ ပြုစုစုဆောင်းထား ပြီးသော အချက်အလက်များသည်ပင် (၇၀) ရာခိုင်နှုန်း ပြည့်စုံပြီဟု ယူဆနိုင်သည်။ ပိဋကလမ်းညွှန်သစ် ပြုစုရန် အတွက် နည်းပညာ ကောင်းကောင်းလည်း ဓမ္မဗိမာန်၌ ရှိသည်။ ပိဋကလမ်းညွှန်သည် သာသနာတော်အတွက် လွန်စွာကျေးဇူးများ၏။


၇။ မြန်မာပါဠိ အဘိဓာန် ရေးသားပြုစုရန်

မြန်မာနိုင်ငံ၌ မြန်မာ ပါဠိ အဘိဓာန်ကို ဆရာကြီးဦးဟုတ်စိန်က ရေသားပြုစုခဲ့သည်။ သို့သော် အသုံးနည်း၏။ ပြည့်စုံ၍ ခိုင်မာတိကျသော မြန်မာ ပါဠိ အဘိဓာန် အမျိူးမျိူးရေးသား ပြုစုသင့်၏။ မြန်မာပါဠိအဘိဓာန် ကောင်းကောင်းရှိလျှင် ပါဠိစာပေများစွာ တိုးတက်နိုင်ပါသည်။
မြန်မာ ပါဠိ အဘိဓာန် ပြုစုရန်အတွက် ဓမ္မဗိမာန်၌ ကုန်ကြမ်းမျာစွာနှင့် နည်းပညာ ကောင်းကောင်း ရှိပါသည်။


၈။ အဘိဓာန်ငယ်များ ရေးသားပြုစုရန်
(က) စာသင်သားသုံး ပါဠိ+မြန်မာ အဘိဓာန် (ခ) စာသင်သားသုံး မြန်မာ+ပါဠိ အဘိဓာန်၊ (ဂ) အိတ်ဆောင် ပါဠိ+မြန်မာ အဘိဓာန်၊ (ဃ) အိတ်ဆောင် မြန်မာ+ပါဠိ အဘိဓာန်တို့ကိုလည်း ရေးသားပြုစုသင့်သည်။ ထိုအဘိဓာန်များ ရေးသားပြုစုရန် အတွက်လည်း ဓမ္မဗိမာန်၌ ကွန်ပြူတာဖြင့် အက္ခရာစဉ်နည်း ရှိပါသည်။


၉။ တိပိဋက ပါဠိ မြန်မာ အဘိဓာန်ကြီးကို ၀ိုင်းဝန်းကူညီ၍ အပြီးသတ်ရန်

တိပိဋက ပါဠိ မြန်မာ အဘိဓာန်ကြီးကို ဆရာတော်ကြီးများ ပြုစုလာခဲ့သည်မှာ နှစ်ပေါင်း (၄၀) ကျော်ခဲ့ပြီ ဖြစ်ပါသည်။ အတွဲ (၂၀) ၊ အုပ်ရေ (၂၂) အုပ် ပြီးမြောက်နေပြီ ဖြစ်ပါ၏။ (ပ) အက္ခရာနောက်ပိုင်း၊ (သ) အက္ခရာနောက်ပိုင်း နှင့် (ဟ) အက္ခရာများ ကျန်နေပါသေးသည်။ နှစ်တွဲစာခန့်သာ ကျန်တော့မည် ထင်ပါ၏။ ထိုတိပိဋ ပါဠိ မြန်မာ အဘိဓာန်ကြီးကို သံဃာငယ်များက ၀ိုင်းဝန်းကူညီ၍ အပြီးသတ်သင့်ပါသည်။ ထိုတိပိဋက ပါဠိ+မြန်မာ အဘိဓာန်ကြီးသည် ကမ္ဘာမှာ အကြီးဆုံး ပါဠိအဘိဓာန်ကြီး ဖြစ်နိုင်ပါသည်။ ကျန်သော တည်ပုဒ်များ ရှာဖွေ စုဆောင်းရန်အတွက် ဓမ္မဗိမာန်မှာ ကွန်ပြူတာနည်းပညာ ရှိပါသည်။


၁၀။ ဖတ်စာ ပါဠိသဒ္ဒါများ ရေးသားပြုစုရန်

ဘုန်းကြီးသုံး ပါဠိသဒ္ဒါများသည် ကျက်စာ ပါဠိသဒ္ဒါများသာ ဖြစ်နေပါသည်။ ဤပါဠိသဒ္ဒါ များကို လေ့လာကျက်မှတ်ထားကြရသည်မှာ စာသင်သားများ အလွန် ပင်ပန်းကြပါသည်။ အချိန်လည်း ကုန်ပါသည်။ သို့ဖြစ်၍ ဖတ်စာ ပါဠိသဒ္ဒါများ ရေးသား ပြုစုသင့်ပါသည်။ (ပခုက္ကူ ဗောဓိမဏ္ဍိုင်ဆရာတော်၏ အကြံပေးချက်)၊ ဓမ္မဗိမာန်က ပါဠိသဒ္ဒါအားလုံးကို တစုတစည်းတည်း DVD ထုတ်ရန် ရည်ရွယ်ချက် ရှိပါသည်။


၁၁။ မရှိသေးသော နိဿယများ ရေးသားပြုစုရန်

ပိဋကသုံးပုံ၌ နိဿယမရှိသေးသော အဋ္ဌကထာ ဋီကာများ ရှိပါသေးသည်။ ၎င်းနိဿယများကို အသီးအသီး တာဝန်ယူ၍ ရေးသားပြုစုသင့်ကြပါသည်။ ၎င်းနိဿယများကို ရေးသားပြုစုရာ၌ ဓမ္မဗိမာန်က ထုတ်ထားသော DVD များက များစွာ ကျေးဇူးပြုနိုင်ပါသည်။ ၎င်းနိဿယများကို ပေယျာလမထိုးဘဲ ရေးသားခဲ့ပါက မြန်မာပြန်မူကြမ်း ဖြစ်အောင် ကွန်ပြူတာ နည်းပညာဖြင့် ဓမ္မဗိမာန်က စီစဉ်ပေးနိုင်ပါသည်။


၁၂။ ပါဠိစာပေအဖွဲ့ ဖွဲ့စည်းရန်

ပါဠိစာပေအဖွဲ့သည် ပရိယတ္တိသာသနာရေးကိစ္စ များစွာကို ဆောင်ရွက်နိုင်သည်။ ပရိယတ္တိသာသနာရေးကို စောင့်ကြည့်၍ ခေတ်နှင့်ညီအောင် ပြုပြင်နိုင်သည်။ ပါဠိနှင့် ပတ်သက်သော ဆုံးဖြတ်ချက်ကို များစွာပေးနိုင်သည်။


၁၃။ စာချဘုန်းကြီးသမဂ္ဂ ဖွဲ့စည်းရန်

ဤစာချဘုန်းကြီးသမဂ္ဂ ပေါ်ပေါက်လာပါက စာချဘုန်းကြီးအချင်းချင်း ဆွေးနွေးညှိနှိုင်း တိုင်ပင်၍ သာသနာရေးကိစ္စများကို ဆောင်ရွက်နိုင်သည်။ အပြန်အလှန် အသိညာဏ် ဗဟုသုတ ဖလှယ်နိုင်သည်။ စာချဘုန်းကြီးများကို လှူဒါန်း ထောက်ပံ့လိုသူများ တစ်နေရာတည်းမှာပင် သွားရောက်လှူဒါန်းနိုင်သည်။ ထူးချွန်သော စာသင်သားများကိုလည်း သီးသန့် လှူဒါန်းနိုင်သည်။







၁၄။ ကွန်ပြူတာသင်္ဂါယနာတင်ရန် သို့မဟုတ် ပိဋကသုံးပုံကို ကွန်ပြူတာ အက္ခရာဖြင့် ထားရှိရန်

ကွန်ပြူတာသင်္ဂါယနာတင်ရန်မှာ နိုင်ငံတော်သံဃမဟာနာယကနှင့် အာဏာပိုင်တို့၏ အလုပ်ဖြစ်သည်။ ကွန်ပြူတာသင်္ဂါယနာသာ တင်နိုင်ခဲ့ပါက ပရိယတ္တိသာသနာတော်သည် ဒီထက်များစွာ တိုးတက်မည် ဖြစ်သည်။ သို့သော် ပိဋကသုံးပုံကို ကွန်ပြူတာအက္ခရာဖြင့် ထားရှိနိုင်ခြင်းသည်လည်း ကွန်ပြူတာသင်္ဂါယနာ တင်သကဲ့သို့ အကျိုးရှိပါသည်။ ဆရာကြီး ဦးဂိုအင်ဂါသည် လွန်ခဲ့သော ဆယ်နှစ်ကျော်ကပင် ပိဋကသုံးပုံကို ကွန်ပြူတာအက္ခရာသွင်း၍ တစ်သာသနာလုံးသို့ လှူဒါန်းခဲ့ပါသည်။ အလွန်တရာ ကျေးဇူးများခဲ့ပါသည်။ သို့သော် ပြည့်စုံမှုကား မရှိသေးပါ။ ပိဋကသုံးပုံ ပါဠိတော်နိဿယ၊ အဋ္ဌကထာနိဿယ၊ ဋီကာနိဿယ များကို ကွန်ပြူတာအက္ခရာသွင်းရန် ကျန်ရှိနေပါသေးသည်။ သို့ဖြစ်၍ ဓမ္မဗိမာန်က ဆက်လက် ကြိုးစားခဲ့ပါသည်။ ထိုနိဿယများကို ကွန်ပြူတာအက္ခရာ သွင်းရာ၌ ဓမ္မဗိမာန်က (၂) မျိုး စီစဉ်ပါသည်။ ထိုနှစ်မျိုးမှာ (၁) ဓါတ်ပုံနိဿယနှင့် (၂) စာစီနိဿယတို့ ဖြစ်ပါသည်။ ယခုအခါ စာရှာစနစ်ပါဝင်သော ဓါတ်ပုံပါဠိတော်နိဿယ DVD ကို ထုတ်ဝေပြီး ဖြစ်ပါသည်။ ၎င်းDVD၌ ပါဠိတော်အုပ်ရေ (၄၀)၊ ပါဠိတော်နိဿယအုပ်ရေ (၁၄၇) အုပ်၊ တိပိဋကပါဠိမြန်မာအဘိဓာန် အုပ်ရေ (၂၀) ပါဝင်ပါသည်။ ၎င်းDVD အချပ်ရေ (၂၀၀၀) ကျော် လှူဒါန်းပြီး ဖြစ်ပါသည်။ ထို့ပြင် ၀ိနည်းငါးကျမ်းပါဠိတော်၊ အဋ္ဌကထာ၊ ဋီကာ၊ နိဿယ၊ မြန်မာပြန် အစုံပါဝင်သော DVD ကိုလည်း လှူဒါန်းပြီး ဖြစ်ပါသည်။ တိပိဋက ပါဠိမြန်မာ အဘိဓာန် DVD နှင့် တောင်မြို့ မဟာဂန္ဓာရုံ ဆရာတော်ဘုရား၏ ကျမ်းစာအစုံ DVD ကိုလည်း ထုတ်ဝေ လှူဒါန်းပြီး ဖြစ်ပါသည်။ ယခုနှစ်၌ စာရှာစနစ်ပါဝင်သော ဓါတ်ပုံအဋ္ဌကထာ ဋီကာ နိဿယ DVD ကို ထုတ်ဝေရန် စီစဉ်လျက် ရှိပါသည်။ ၎င်းDVD၌ စာအုပ်ရေ (၂၀၀) ကျော် ပါဝင်မည် ဖြစ်ပါသည်။ ယခုအခါ (၇၀) ရာခိုင်နှုန်း ပြီးစီးနေပြီ ဖြစ်ပါသည်။
ပိဋကသုံးပုံ စာစီနိဿယ စီစဉ်ရန် ကျန်ရှိနေပါသေးသည်။ ယခုအခါ ပိဋကသုံးပုံ ပါဠိတော်နိဿယ အစုံကို မူကြမ်း စာစီပြီးနေပါပြီ။ မန္တလေးမှ ဆရာတော် အပါး (၅၀) ခန့်က ၀ိုင်းဝန်း၍ proof ဖတ်ပေးနေကြပါသည်။
ပိဋကသုံးပုံ အဋ္ဌကထာ ဋီကာ နိဿယများကိုကား စာမစီရသေးပါ။ ထိုကျန်နေသေးသော အပိုင်းများကို ၀ိုင်းဝန်းကြိုးစားကြလျှင် ကွန်ပြူတာ သင်္ဂါယနာ တင်သကဲ့သို့ ကျေးဇူးများနိုင်ပါသည်။ ကွန်ပြူတာနည်းပညာကား ဓမ္မဗိမာန်၌ အဆင်သင့် ရှိပါသည်။






၁၅။ ဘ.က ကျောင်းများအား ထောက်ပံ့ရန်

သာသနာ မျိုးမတုံးရန်အတွက် ဘ.က ကျောင်းများအား ထောက်ပံ့သင့်သည်။ ဘ.က ကျောင်းများသည် သာသနာအတွက်ရော နိုင်ငံတော် အတွက်ပါ အကျိုးများပါသည်။

၁၆။ ဘ.က ကျောင်းများအား ဗုဒ္ဓဘာသာသင်ခန်းစာ စာအုပ်များ ရေးသား လှူဒါန်းရန်

ထိုသို့ လှူဒါန်းသဖြင့် ဗုဒ္ဓဘာသာ သင်ခန်းစာကို ကျောင်းစာများနှင့် တွဲဖက်သင်ယူ နိုင်သည်။


၁၇။ ဘုန်းကြီးကျောင်း မူလတန်း သင်ရိုးကျမ်းများ ရေးသားရန်

ဘ.က မဖွင့်ဖြစ်သေးပါက ဘုန်းကြီးကျောင်း မူလတန်းများ၌ သင်ရိုးကျမ်းများ လိုအပ်လျက် ရှိသည်။ ကုန်ကုန်ပြောရလျှင် သင်ရိုးကျမ်း လုံးဝ မရှိသေးပါ။ သင်ရိုးကျမ်း မရှိသည့်အတွက် ထိရောက်မှု မရှိပါ။ သို့ဖြစ်၍ ဘုန်းကြီးကျောင်း မူလတန်း သင်ရိုးကျမ်းများ ရေးသားပြုစု၍ လှူဒါန်းသင့်ပါသည်။


၁၈။ ဗုဒ္ဓဘာသာသင်တန်းကျောင်း ဖွင့်လှစ်ရန်

ဗုဒ္ဓဘာသာအများစုသည် ဗုဒ္ဓဘာသာအကြောင်းကို စနစ်တကျ သင်ကြားခဲ့ရသည် မဟုတ်ပါ။ သို့ဖြစ်၍ ကျကျနန မသိရှိသူက များပါသည်။ သို့ဖြစ်၍ စနစ်တကျ သင်ကြားနိုင်ရန် ဗုဒ္ဓဘာသာသင်တန်းကျောင်း ဖွင့်လှစ်သင့်ပါသည်။


၁၉။ ဗုဒ္ဓဘာသာ ဘာသန္တရသင်တန်းကျောင်း ဖွင့်လှစ်ရန်
`
ဗုဒ္ဓဘာသာရဟန်းတော်များသည် အင်္ဂလိပ်စာ စတဲ့ နိုင်ငံခြားဘာသာကို စနစ်တကျ မသင်ကြရပေ။ ဟိုသင်တန်း ဒီသင်တန်းလေး တက်ပြီး လေ့လာကြရသည်။ ဗုဒ္ဓဘာသာ ဘာသန္တရကျောင်းသာ ရှိပါက အင်္ဂလိပ်စာ- စတဲ့ နိုင်ငံခြားဘာသာကို လွယ်ကူစွာ သင်ယူနိုင်မည် ဖြစ်သည်။ နိုင်ငံခြား သာသနာပြုလုပ်ငန်းလည်း ပို၍ အောင်မြင်နိုင်စရာ ရှိပါသည်၊ တချို့ ဘာသာစကားတို့သည် ပါဠိဘာသာအတွက် များစွာ အထောက်အကူ ပြုသည်။ ဥပမာ သက္ကတဘာသာ၊ ဟိန္ဒီဘာသာ စသည်တို့ ဖြစ်သည်။ အဘယာရာမ ဆရာတော်၊ ဆရာတော်ဦးသီလာနန္ဒ၊ ဆရာတော်ဦးဥာနိက အစရှိသော တချို့သော ဆရာတော်တို့သည် သက္ကတဘာသာကို ကောင်းစွာ တတ်ကျွမ်းခဲ့ကြ၏။ သို့သော် ဘာသန္တရကျောင်းဖွင့်လှစ်ကာ သူတို့ရဲ့ ပညာများကို အမွေ မပေးနိုင်ခဲ့ကြသည့်အတွက် ဆရာတော်များ ပျံလွန်တော်မူကြသောအခါ ဆရာတော်တို့၏ ပညာအမွေကို နောင်လာနောက်သား တပည့်များ သိပ်မရလိုက်ကြတော့ပေ။ မိမိသည်ပင် ယခုအခါ သက္ကတဘာသာကို လေ့လာနေ၏၊ စာအုပ်ကိုပင် မနည်း ရှာရပါသည်။ ဗုဒ္ဒဘာသာ ဘာသန္တရသင်တန်းကျောင်းသာ ရှိပါက လွယ်ကူစွာ လေ့လာနိုင်မည် ဖြစ်သည်။ သို့ဖြစ်၍ ဗုဒ္ဓဘာသာ ဘာသန္တရသင်တန်းကျောင်း ဖွင့်လှစ်သင့်ပါသည်။


၂၀။ ကြီးမားသော ကျောင်းတိုက်ကြီးတည်ထောင်၍ ပရိယတ္တိသာသာနာပြုရန်

ဥပမာ- သံဃာတစ်ထောင်ရှိသော ဓမ္မာစရိယ ကျောင်းတိုက်ကြီး တည်ထောင်ထားတယ် ဆိုပါတော့။ ထိုသံဃာတစ်ထောင်မှ ဓမ္မာစရိယ (၃)ကျမ်းပြီး အပါး(၁၀၀) ထွက်ရှိလာပါက ၎င်းအပါး(၁၀၀)ဖြင့် သာသနာပြု လုပ်ငန်းများစွာ ဆောင်ရွက်နိုင်သည်။ နိဿယစသော ကျမ်းစာများကို ၎င်းသံဃာအပါး(၁၀၀)ဖြင့် ၀ိုင်းဝန်း ရေးသားနိုင်သည်။ အနည်းငယ် သင်တန်းပေး၍ ကွန်ပျူတာလုပ်ငန်းများကို ၀ိုင်းဝန်း လုပ်ဆောင်နိုင်သည်။ မိမိ၏ တပည့်များ ဖြစ်သည့်အတွက် မိမိ ကြိုက်သလို ပုံစံချ၍ လုပ်ဆောင်နိုင်သည်။ ထိုဓမ္မာစရိယ အောင်ပြီးသော ရဟန်းတော်များကိုလည်း အမြဲမပြတ် စာချပေးသင့်၏။ တောင်မြို့ဆရာတော်သည် ဤနည်းဖြင့် ကျမ်းစာအုပ်ပေါင်း များစွာ ရေးသားခဲ့ပါသည်။ သို့ဖြစ်၍ ကြီးမားသော ကျောင်းတိုက်ကြီး တည်ထောင် သင့်ပါသည်။


၂၁။ ပခုက္ကူနည်းသင် ကျောင်းတိုက် တည်ထောင်ရန်

အထက်မှာ ရေးသားခဲ့သည့်အတိုင်း ပခုက္ကူနည်းသည် ကျမ်းစာများ ပေါက်အောင် အဓိကသင်သော နည်းဖြစ်၏။ စာမေးပွဲ ကျင်းပလေ့ မရှိပေ။ သို့သော် စာမေးပွဲ ကျင်းပမှ ပို၍ ထိရောက်မည် ဖြစ်၏။ သို့ဖြစ်၍ ပခုက္ကူနည်း၌ စာမေးပွဲ သွင်းသင့်၏။
အင်္ဂလိပ်စာနှင့် ကွန်ပျူတာတို့ကိုလည်း အရံ အဖြစ်ဖြင့် သင်သင့်၏။ အင်္ဂလိပ်စာနှင့် ကွန်ပျူတာတို့သည် အကောင်းဆုံး သင်ထောက်ကူ နည်းပညာများ ဖြစ်၏။ ဤပြဆိုခဲ့သော နည်းအတိုင်း သင်ပါက ပရိယတ္တိ ပဓာန တိုးတက်မည် ဖြစ်၏။ သို့ဖြစ်၍ ဤပြဆိုခဲ့သော နည်းအတိုင်း သင်သော ကျောင်းတိုက်ကြီးလည်း တည်ထောင်သင့်ပါသည်။


၂၂။ နိုင်ငံခြားသားများအား မြန်မာဘာသာဖြင့် သင်သော ဗုဒ္ဓဘာသာသင်တန်းကျောင်း ဖွင့်လှစ်ရန်

နိုင်ငံခြားသားများအား အင်္ဂလိပ်ဘာသာဖြင့် ဗုဒ္ဓဘာသာ တရားတော်များကို သင်ကြားရခြင်းသည် ခက်ခဲ၏။ ထိရောက်မှု နည်း၏။ နိုင်ငံခြားသားများအား မြန်မာဘာသာဖြင့် ဗုဒ္ဓဘာသာတရားတော်များကို သင်ကြား ရခြင်းသည် လွယ်ကူ၍ ထိရောက်မှု ရှိနိုင်သည်။ အကြောင်းမှာ ဆရာကိုယ်တိုင်က မြန်မာဘာသာကို ကျွမ်းကျင်ခြင်း၊ ဗုဒ္ဓဘာသာတရား ကျမ်းစာများသည် မြန်မာဘာသာဖြင့် များစွာ တည်ရှိနေခြင်း၊ ထိုမြန်မာဘာသာဖြင့် တည်ရှိနေသော ကျမ်းစာများသည် အင်္ဂလိပ်ဘာသာပြန် စသော တခြားဘာသာပြန်များထက် ပို၍ ခိုင်မာခြင်းတို့ကြောင့် ဖြစ်သည်။ ထိုင်းရဟန်းတော် တချို့သည် မြန်မာဘာသာဖြင့် ဓမ္မာစရိယဘွဲ့ ရကြပြီး သူတို့နိုင်ငံ၌ ကောင်းစွာ သာသနာပြုနိုင်နေကြသည်။ တိပိဋက ပါဠိ မြန်မာ အဘိဓာန်(၂၂) အုပ်ကိုပင် ထိုင်းဘာသာ ပြန်ဆိုနေကြ၏။ ဗီယက်နမ်ဘုန်းကြီး တစ်ပါးကလည်း “မြန်မာဘာသာပြန်များသည် ဘုရားအလိုတော်နှင့် ပို၍ နီးစပ်သည်” ဟု ပြောဖူးပါသည်။ သို့ဖြစ်၍ နိုင်ငံခြားသားများအား မြန်မာဘာသာဖြင့် သင်သော ဗုဒ္ဓဘာသာသင်တန်းကျောင်း ဖွင့်လှစ်သင့် ပါသည်။


၂၃။ အများသုံးပိဋကတ်တိုက် တည်ထောင်ရန်

အများသုံး ပိဋကတ်တိုက် သို့မဟုတ် စာကြည်တိုက် တည်ထောင်ထားပါက ပရိယတ္တိသာသနာ ဘက်စုံ တိုးတက်နိုင်ပါသည်။







လျှောက်ထားလွှာ

ဆရာတော် သံဃာတော် အရှင်သူမြတ်တို့ဘုရား.....
ဖော်ပြခဲ့သော “ပရိယတ္တိသာသနာရေး အတွေးအခေါ်များ” အပေါ်၌ ဝေဖန်သုံးသပ်ချက်ကို ဖြစ်စေ၊ ပရိယတ္တိသာသနာတော် ထွန်းကားပြန့်ပွားရေးအတွက် အထောက် အကူဖြစ်စေမည့် အကြံပြုချက်များကို ဖြစ်စေ ဘုရားတပည့်တော်များအထံသို့ စာရေးသား ပေးပို့တော်မူကြပါရန် ရိုသေစွာ လျှောက်ထားပါသည်ဘုရား။ ပေးပို့သော ဆရာတော်များ၏ လိပ်စာအပြည့်အစုံနှင့် ဖုန်းနံပါတ်ကိုလည်း ထည့်သွင်းပေးပို့တော်မူကြပါ ဘုရား။


ဆက်သွယ်ပေးပို့ရန်.......

ဆရာတော် ဦးသာသန၀ရ
စိန်ရတနာ ဓမ္မာစရိယစာသင်တိုက်
မြို့မကျောင်းလမ်း၊ ဒဂုံမြို့နယ်
ရန်ကုန်တိုင်းဒေသကြီး
ဖုန်း-01-385193/09-8578437
                                                 

                                           http://www.myatpanyagon.com/ မှတဆင့်ပြန်လည်မျှဝေပါသည်။
                                                 

1 comments:

  • September 30, 2013 at 7:41 PM
    Mahaman Disse:

ွှစိန်ရတနာဆရာတော်ဘုရား၏ အတွေးအခေါ်များသည် လက်ရှိမြန်မာနိုင်ငံ၏(သို့မဟုတ် လက်ရှိကမ္ဘာ့လူထု၏) ဘာသာရေး, ပညာရေး, နိုင်ငံရေး စသည့် လိုအပ်ချက်များအရ ပေါ်ပေါက်လာသည့် အတွေးအခေါ် (အမြင်သစ်) များ ဖြစ်သည် ဟု ဆိုနိုင်သည်။ ထို့ကြောင့် လိုအပ်ချက်အရ ဖြစ်ပေါ်လာသည့် ယင်းအတွေးအခေါ် (အမြင်သစ်) များကို တတ်သိကျွမ်းကျင် ပညာရှင်များ စုပေါင်း၍ အမြန်ဆုံးနည်းဖြင့် အကောင်အထည် ဖော်သင့်ပါသည်။ ဘာသာရေးပန်းတိုင်(ဒုက္ခလွတ်မြောက်မှု), ပညာရေးပန်းတိုင်(မှန်ကန်သော လောကုတ္တရာအသိရရှိမှု), နိုင်ငံရေး, (ကိုယ့်နိုင်ငံကိုယ့်လူမျိုး ကိုယ့်ဘာသာဖွံဖြိုးတိုးတက်ရန် စစ်မှန်သည့် နေရာဒေသဖြစ်ရေး)အတွက် အဓိက လိုအပ်ချက်မှာ စိန်ရတနာဆရာတော်ဘုရားကဲ့သို့ ခေတ်နှင့်အညီ လိုအပ်လျှက်ရှိသော နည်းပညာများပင် ဖြစ်သည်။ ထို့ကြောင့် ကိုယ့်ဘာသာ, ကိုယ့်ပညာ, ကိုယ့်နိုင်ငံအကြောင်းကို အတွင်းကျကျ လေ့လာဆန်းစစ်မိသူများ အနာဂတ်အရေး ရင်မလေးရအောင် အမြန်ဆုံး အကောင်အထည် ဖော်သင့်ကြောင့် Comment ရေးသားလိုက်ပါသည်။
    ဦးမဏ္ဍလ
    မြန်မာကျောင်း
    ပတ္တနားမြို့
    အိန္ဒိယ။ ဖုံး-ဝဝ၉၁-၉၉၃၄၂၆၈၈၄၉
    အီးမေးလ်-mgmgman@gmail.com

    delete

Post a Comment

 

ဘဝအလင်းရောင် Copyright © 2011 -- Template created by O Pregador -- Powered by Blogger