မျဉ်းပြိုင်

      ညို့မှိုင်းအုပ်ဆိုင်းလျက်ရှိသော သရက်တောအုပ်လေးတစ်ခုကို ထုံးဖြူဖြူအုတ်နံရံများဖြင့်ဝိုင်းရံထား

သည်။ စာကျက်စာအံသံတို့သည် သရက်တောအုပ်ကို ဖောက်ထွက်လျက် ပြန့်လွင့်နေသည်။ “သာသနရက္ခိ

တစာသင်တိုက်”တည်ရာအရပ်ဖြစ်ပါသည်။

      ဆောက်လုပ်ဆဲနှစ်ထပ်တိုက် အဆောက်အအုံတစ်လုံး၊ရေနံချေးသုပ်ထား၍ မဲနက်နေသောသစ်သား

ကျောင်းနှစ်ဆောင်၊ကုဋီသုံးခန်းတွဲနှင့် ရေကန်ကြီးတစ်ကန်တို့မှာ သူ့နေရာနှင့်သူ ရှိနေကြသည်။ 

        စာသင်တိုက် တည်ထောင်သည်မှာ သုံးနှစ်ပင်မပြည့်တတ်သေး။ဆောက်လုပ်ဆဲ နှစ်ထပ်တိုက်အနီး

တွင် သူလှည့်ပတ်ကြည့်ရှုနေပါသည်။သူသည် စာသင်၏ ဦးစီး ဦးဆောင်လည်းဖြစ်သည်။

          သူ့အတွက် စာပေသင်ကြားမှုအတွေ့အကြုံ အုပ်ချုပ်မှု အတတ်ပညာသာမက ဆရာ့ဆရာတော်

ကြီးများ၏ သာသနာနှင့်ပတ်သက်သော ခံယူချက်နှင့်လုပ် ဆောင်ချက် နည်းစနစ်တို့ကို သူနေထိုင်ခဲ့သော စာသင်တိုက်ကြီးနှင့် နိုင်ငံတော်ပရိယတ္တိသာသနာ့တက္ကသိုလ်တို့မှ အပြည့်အ၀ နီးပါး ရရှိခဲ့သည်။ 

          ထိုကြောင့် သာသနရက္ခိတစာသင်တိုက်တည်ထောင်သည့်အခါ တွေ့ကြုံရမည့်အခက်အခဲများကို နားလည်သဘောက်ပေါက်ကာ ကျော်လွှားနိုင်ခဲ့၏။ 

    “ တစ်ချိန်၌ စာသင်တိုက် တည်ထောင်မည်။ ရှင်ငယ်လေးများကိုမွေးမြူကာ အခြေခံမှစ၍ စာပေပို့ချမည်”ဟု စာသင်သားဘ၀ကတည်း တည်ထောင်လာခဲ့သောစိတ်ကူးများအကောင်အထည်ပေါ်လာ

ခဲ့ပေပြီ။ 

        ရှင်ငယ်လေးများသည် နုနယ်သူများဖြစ်၏။ ပုံစံ သွင်းရန်လွယ်ကူသည်။ စာသင်တိုက်နှင့်  သာသနာ

တော်အတွက် အားထားရသူများ ဖြစ်လာနိုင်မည်ဟု မျှော်လင့်၏။ ထို့ကြောင့် အသက် ၁၄-နှစ်၊ အရွယ်ကိုရင်

ငယ်လေးများကို လက်ခံခဲ့သည်။

          ''ဦးတေဇရေ . . စာသင်တိုက်ဖွင့်ရတာ စာပို့ချရတာ တစ်ခါတလေ စိတ်ဓာတ်ကျမိတယ်'' ဟူသော ဆရာတော်တစ်ပါး၏ စကားကို သူသတိရမိသည်။

          '' ဘာ့ကြောင့်လဲ ကိုယ်တော်'' ဟု သူက မေးခဲ့ပါသေးသည်။

          '' အင်း . . . ဘာကြောင့်လဲဆိုတော့၊ တပည့်တော်မှာ ကိုရင်နှစ်ပါး ဥာဏ်ကလည်း ကောင်းတယ်၊ စာလဲကြိုးစားတယ်၊ ဒီနှစ် အကြီးတန်းလည်း ရောက်ပြီ၊ အကြီးတန်းပြီးရင် သာမဏေကျော်ဖြေခိုင်းမယ်လို့     မှန်း ထားတာ၊ အခုတော့ မှန်းချက်နဲ့ နှမ်းထွက် မကိုက်တော့ဘဲ ဖြစ်သွားရတယ်ဘုရား ''

          '' ဘာဖြစ်လို့လဲ ကိုယ်တော်''

         '' လူထွက်သွားတာ၊ အရှင်ဘုရားရေ... လူထွက်သွားတာ''ဟူ၍စိတ်ပျက်လက်ပျက်ဖြင့်ပြောသွားသော

ဆရာတော်၏ မျက်နှာကိုလည်း မြင်ယောင်မိပါသေးသည်။

        စာချဆရာတော်တို့ စာပေပို့ချလိုစိတ် တဖြည်းဖြည်း ဆိတ်သုဉ်းလာပါက စာသင်တိုက်တို့တွင် ရဟန်း

သာမဏေ စာသင်သားများ လျော့နည်းလာပေတော့မည်။ တောရွာတစ်ချို့တွင် ဆရာတော်ကြီးများသည် ကျောထောက်နောက်ခံ တပည့်မရှိသဖြင့် စာပေမပို့ချရ။ နောက်ဆုံး တပည့်ကျောင်းသားကိုရင်လုံးပါးပါးကာ

တစ်ပါးတည်း ကျန်ရှိခဲ့သည်ကိုလည်း တွေ့မြင်ဖူး၏။ 

       ''ကပ္ပိယရယ်၊ ငါရယ်၊ ခွေးတစ်ကောင်ရယ်ပဲ ရှိတော့တယ်'' ဆိုသည်မျိုးပင် ဖြစ်နေတတ်သည်။ 

        စိတ်ပျက်လက်ပျက်ပြောလာသော ဆရာတော်ကိုလုပ်ငန်းသဘောနှင့်  စေတနာတို့ရောထွေးမသွား

စေဖို့ သူပြောမိပါသေးသည်။

         '' ကိုယ်တော်က စိတ်ပျက်တယ်လို့ပဲ ပြောတယ်။ ကိုယ်တော့်စေတနာက ပုဂ္ဂိုလ်ရဲ့အပေါ်မှာ ချထားခဲ့တာကိုး၊  စေတနာကို သာသနာရဲ့အပေါ်မှာ မထားဘဲ ပုဂ္ဂိုလ်ရဲ့အပေါ်မှာ ပုံအောထားလိုက်တော့ စိတ်ပျက်တယ်လို့ ဖြစ်လာတာပဲပေါ့။ သာသနာအပေါ်မှာရော၊ စည်းကမ်းအပေါ်မှာရော စေတနာထားနိုင်ရင် ပုဂ္ဂိုလ်အပေါ် စေတနာထားမှု တဖြည်းဖြည်း လျော့ချနိုင်လာလိမ့်မယ်။ 

         “စေတနာကို ထားသင့်တဲ့ ဘက်မှာသာ ထားရပါမယ်။ ဒါမှ ကိုယ်တော့် လုပ်ငန်း အောင်မြင်လာမှာပေါ့။ စိတ်ဓာတ်ကျတယ်ဆိုတဲ့စကားမျိုးလည်း ပြောစရာမလိုတော့ဘူးပေါ့ ''

          သူပြောခဲ့သော စကားများကို ဆင်ခြင်ရင်း ဆောက်လုပ်ဆဲ ကျောင်းဆောင်ဆီမှ စာအံကျောင်းဆီသို့ ရောက်လာခဲ့သည်။ ကိုရင်သုမေဓ တစ်ပါးစာမကျက်ဘဲအိပ်ပျော်နေသည်ကိုတွေ့ရသည်။သူ့ကိုမြင်သည်နှင့် 

အနီးရှိ ကိုရင်ဓမ္မဓဇက လှုပ်နှိုးလိုက်သည်။ ထိုအခါမှ အဆောတလျင်ထကာ  စာအော်ကျက်လေသည်။   

        သူ့စိတ်ထဲတွင်ပြုံးမိသော်လည်း မျက်တောင်မခတ်ဘဲ ခပ်တည်တည် ကြည့်နေလိုက်ရသည်။ကိုရင်နှစ်

ပါးကို ကြည့်ရင်း အတွေးတို့က အတိတ်ရပ်ဝန်းဆီသို့ ရောက်ရှိသွားခဲ့၏။

          “ အော် . . ၀ဏ္ဏသာမိ အခုဘယ်ဆီများ ရောက်နေပါလိမ့်၊ လူကော ထွက်သွားပြီးလား..၊ ဒါမှမဟုတ်

သာသာနာတော်မှာဘဲ ရှိပြီး။ စာသင်တိုက် ဖွင့်နေတာလား..။ ရိပ်သာပဲ ဖွင့်နေတာလား .  .''

                                                    

                                 xxxxxxxxxxxxxxxxxxxxxxxxxxxxxxxxxxx

         

          ရထားစောင့်ရသည်မှာ တစ်နာရီပင် ရှိရော့မည်။ ရထားက မလာသေး။ မန္တလေးဘက်မှ အထွက်

နောက်ကျ၍ ထင်၏။ ရထားဘူတာအတွင်းမှာတော့  စည်ကားလျက်ရှိသည်။

        ဦးဥာဏမှာ စာအုပ် တစ်အုပ်ကို ဖတ်လျက်ရှိသည်။ ဦးဉာဏ၏အနီးတွင်ကားသူ ရထားဘူတာအတွင်း သို့ဟိုကြည့် ဒီကြည့်၊ မြင်မြင်သမျှ အထူးအဆန်းတွေချည်းအဖြစ်ထင်နေမိသည်။

      ဦးဥာဏသည် ကျောင်းပိတ်ချိန်ဖြစ်၍ ဇာတိရပ်ရွာကျောင်းသို့ ခေတ္တပြန်လာခြင်းဖြစ်သည်။စာသင်တိုက်

သို့ ဦးဥာဏ အပြန်တွင် သူ့ကို ရွာကျောင်းဆရာတော်က ထည့်ပေးလိုက်ခြင်း ဖြစ်သည်။  စာသင်တိုက်ရှိ ဆရာတော်ကို လျောက်ထား ပြီးပြီဆို၏။  အပ်နှံစာတစ်စောင်လည်း ရေးပေးလိုက်သေးသည်။

          ''ကိုရင် မပျင်းနဲ့၊ ကောင်းကောင်းနေ၊စားကိုလည်းကြိုးစား'' ဟု အထပ်ထပ်အခါခါမှာလိုက်သည်။

          '' ဥာဏ ငါ့မှာလည်း တေဇ မရှိတော့ တောက်တိုမယ်ရ ခိုင်းစရာ လက်တစ်ဖက် ပြုတ်သွားသလိုပဲ''ဟူသော ပြောသံကိုလည်း  ကြားယောင်မိသေးသည်။

          '' ကိုရင် . . ဟိုမှာ ရထား လာနေပြီ၊ လက်ဆွဲအိတ် ကိုင်ထား''

          ဦးဥာဏပြောမှ သူ  ရထားကိုကြည့်လိုက်မိသည်။ ရထားကြီးသည် ဥသြသံဆွဲလျက် ဘူတာထဲသို့ ၀င်လာသည်။ ရပ်သည့်အရှိန်ပင် အရှိန်ပင်ကောင်းကောင်း မသေသေး၊ ခရီးသည်များက ထိုင်ခုံနေရာ ရကြရန် အတင်းတိုးဝှေ့ ပြေးတက်ကြသည်။ 

        ဦးဥာဏနှင့် သူ လည်း လူတို့နှင့်အတူရော၍ တိုးဝှေ့ကာ တက်လိုက်သည်။ရထားပေါ်ရောက်မှအသက်

ရှုချောင်သွားတော့၏။ သူတို့ ထိုင်ခုံနှင့်မျက်နှာချင်းဆိုင်ခုံတွင် ဦးပဉ္ဇင်းတစ်ပါးနှင့် ကိုရင်တစ်ပါး ထိုင်နေသည်

ကို တွေ့ရသည်။

          ငါးမိနစ်ခန့်အကြာ ရထားကြီး ပြန်လည် ထွက်ပါပြီ။

       “ဂျုံးဂျုံး ဂျိမ့်ဂျိမ့်၊ ဂျုံးဂျုံး ဂျိမ့်ဂျိမ့်”နှင့် လှုပ်ခါယမ်းနေသည်။ ဤအသံကိုပင်“တိုးတိုးဝှေ့ဝှေ့၊တိုးတိုးဝှေ့ဝှေ့၊ 

စာသင်တိုက်ကို သွားမယ်ဟေ့ ”ဟူ၍ သူ့စိတ်ထဲ ကြားနေမိသည်။

          ''ဦးဇင်းတို့ ဘယ်ကိုကြွမှာလဲဘုရား''

          မျက်နှာချင်းဆိုင်တွင် ထိုင်နေသော ဦးဇင်းတစ်ပါးက ဦးဥာဏကို မေးသည်။

          ''တပည့်တော်တို့ ပဲခူးမြို့က .  စာသင်တိုက်ကို သွားမလို့ပါဘုရား”

          ''တပည့်တော်တို့လဲ အဲဒီစာသင်တိုက်ကို သွားမလို့ပါပဲ၊ တပည့်တော်တို့အတွက်အဖော်ရတာပေါ့''

          ''ဒါနဲ့. . ကိုရင်ဘွဲ့က ဘယ်လို ခေါ်သလဲ''

          '' ရှင်ဝဏ္ဏသာမိပါ ဘုရား''

          '' အင်း .  . ကိုရင်ရဲ့ ဘွဲ့က ဥပဓိရုပ်နဲ့ဆိုရင် လိုက်ဖက်သားပဲ။ ဒီကကိုရင်ကတေဇလို့ခေါ်တယ်”ဟု 

ဆိုကာ ဦးဥာဏသည် သူကို ညွှန်ပြ၍ မိတ်ဆက်ပေးသည်။ 

    သူ့စိတ်ထဲကကိုရင်ဝဏ္ဏသာမိအပေါ်ခင်မင်ရင်းနှီးသွားခဲ့သည်။တစ်တိုက်တည်းအတူနေရမည်ဆို၍လည်း 

အဖော်ရပြီဆိုကာ ပိုမို ၀မ်းသာသွားမိ၏။

          ရထားကြီးသည်ကား ဘူတာငယ်လေးများကို ဖြတ်သန်းလျက် တဂျိမ့်ဂျိမ့် သွားနေပါသည်။

                                                      

                             xxxxxxxxxxxxxxxxxxxxxxxxxxxxx

         သူ စာသင်တိုက်သို့ ရောက်ခဲ့ပြီ၊ ကိုရင်ဝဏ္ဏသာမိနှင့်အတူနေရာကပ်လျက်သား နေရ၏။ သူနှင့် ကိုရင်ဝဏ္ဏသာမိ  အသက်ချင်းလည်း တူသည်။ အရပ်ချင်းလည်း ညီမျှသည်။ သို့ရာတွင်ကိုရင်ဝဏ္ဏသာမိက အသားအနည်းငယ်ဖြူသည်။ 

      တစ်ပါးနှင့်တစ်ပါး ညီအစ်ကိုအရင်းတမျှ ခင်မင်စွာနေကြသည်။  ဆွမ်းခံအိမ် ဖိတ်တော့ လည်း အတူတူ၊ ဆွမ်းခံကြွတော့လည်း အတူတူ၊ စာဝါသွားတော့လည်း တစ်ပါးကိုတစ်ပါး စောင့်ကာ သွားသည်။

        နံနက်ပိုင်းအရုဏ်ဆွမ်းခံစီတန်းလျှင် သူတို့နှစ်ပါးဦးစွာရောက်နေတတ်သည်။ ဘုရားဝတ်တက်သွား

လျှင်လည်း နောက်မကျတတ်၊ စာကျက်၊ စာပြန်၊ စာအံလည်း တစ်တွဲတွဲ။

       အမြဲတွဲနေတတ်သော သူတို့နှစ်ပါး၏ ချစ်ခင်ရင်းနှီးမှုကိုမြင်သော အခြားစာသင်သးများက-

      'ဒွန္ဒာ ဒွန္ဒာ ငှက်ဖြစ်ရင်လည်း အတူတူ၊ လူဖြစ်ရင်လည်း မကွာမကွဲ၊ ဆွမ်းခံတော့လည်း တစ်အိမ်းတည်း၊ ငပိဖြစ်တော့လည်း တစ်အိုးတည်း' ဟူ၍ စကြ နောက်ကြသည်။သူတို့နှစ်ပါးမှာ အပြုံးမပျက်။

    “၀က်သားဖြစ်တော့လဲ အာလူးနဲ့ ၀က်သားပေါ့ ”ဟု ပြန်လည်၍ ပြောတတ်ပါသေးသည်။

      ဤသို့ဖြင့် သူနှင့် ရှင်ဝဏ္ဏသာမိတို့ ပထမကြီးတန်းသို့ပင် ရောက်ခဲ့ကြပြီ။ ပထမကြီးတန်း ရောက်နေချိန် တစ်ပါးနှင့်တစ်ပါး အနေအထိုင်စရိုက်တော့ အနည်းငယ်ကွဲလာ၏။ 

      ရှင်ဝဏ္ဏသာမိ ဆွမ်းခံအိမ်ရောက်လျှင် စကားဖောင်ဖွဲ့ကာ ပြောဆိုတတ်လာ၏။ ထိုသို့ပြောဆိုနေလျှင် ဆွမ်းခံအိမ်စေ့ငှအောင် မသွားနိုင်မှာကို သူက စိုးရိမ်၏။ ထို့ကြောင့် ဆွမ်းလောင်းသည့် ဒကာမကြီး မရိပ်မိ

အောင် မသိမသာ လက်ကုတ်၍ အချက်ပေးရသည်။

      ရှင်ဝဏ္ဏသာမိ၏ နေရာ၌လည်း ဗေဒင်စာအုပ်တွေ၊ ကဗျာစာရွက်တွေလည်းတွေ့ရတတ်သည်။ စာအံ

ကျောင်း ဆင်းပြီး နေရာရောက်ပြီးဆိုလျှင် ဗေဒင်စာအုပ်ကို ကိုင်နေတတ်သည်။ စာရွက်ပေါ်တွင် ဟိုခြစ် သည်ခြစ်လုပ်နေတတ်သည်။

          '' ၀ဏ္ဏ . . ဒီနှစ် အကြီးတန်း စာများတယ်နော်''

          '' အေးပါ . . . သိပါတယ်၊ ဒီမှာ စိတ်ဝင်စားစရာတွေ့နေလို့''

          '' ဘာစိတ်ဝင်စားစရာ တွေ့လို့လဲ၊''

          '' တပည့်တော်နဲ့ အရှင်ဘုရား ခင်မင်နေတာဟာ ဗေဒင်အလိုရဆိုရင် မိတ်ဘက်ကွ တေဇရ''

          '' ၀ဏ္ဏရာ မိတ်ဆွေသီတင်းသုံးဖော်တွေဆိုနေမှ တစ်ကျောင်းလုံးမိတ်ဖက်တွေချည်းပေါ့ မဟုတ်

လား''

          '' ဒီမှာလေ ဦးသာ, စိန်ပန်း၊ ဒန်းလှ, ကိုရှာ မိတ်ဖက်သာ တဲ့ ''

       အရှင်ဘုရားကတေဇဆိုတော့ စနေ၊  တေဇဆိုတော့ စနေ၊ တပည့်တော်က ၀ဏ္ဏသာမိဆိုတော့ ဗုဒ္ဓဟူး၊ စနေနဲ့ ဗုဒ္ဓဟူး မိတ်ဖကမို့လို့ တပည့်တော်တို့က အထူးပြောစရာမရှိအောင်ခင်မင်ရင်းနှီးနေတာပေါ့”

          ''ဘာမှမဆိုင်ပါဘူး ၀ဏ္ဏရာ   အရှင်ဘုရား စကားတစ်ခု ကြားဖူးတယ် မဟုတ်လား၊ ၀ိဿာသော ပရာမာ ဥာတိ - ခင်ရာဆွေမျိုး မြိန်ရာဟင်းကောင်း ဆိုတာလေ''

          သူနှင့် ရှင်ဝဏ္ဏသာမိတို့ ဤကဲ့သို့ ကွဲလွဲမှုကလေးတွေ ရှိသော်လည်း ခင်မင်ရင်းနှီးမှုကမပျက်ပါ။

         ရှင်ဝဏ္ဏသာမိသည် ရွာကိုပြန်ရတော့မယ်တဲ့၊ ဆရာသမားကျန်းမာရေးအတွက်ကြောင့်ဟု ဆိုသည်။ ဘယ်လောက်ကြာမည်ဆိုတာလည်း သူမသိတဲ့။ အိပ်ရာဖျာလိပ်တွေ သိမ်းရင်း၊ စာအုပ်တွေသိမ်းရင်း သူ့ကို နုတ်ဆက်ပါသည်။ သူ ရှင်ဝဏ္ဏသာမိကို ကျောင်းမုခ်ဝအထိ လိုက်ပိုခဲ့ပါသည်။ 

       သူကျောင်းဆောင်ပေါ်သို့ ပြန်ရောက်တော့ ရှင်ဝဏ္ဏသာမိနေရာကိုတွေမြင်ရသည့်အခါ ၀မ်းနည်းသလို

ခံစားရပါသည်။

          သူ ပထမကြီးတန်းကိုဖြေဆိုပြီး အချိန် ကျောင်းတိုက်ဆရာတော်၏ ဆက်သွယ်ပေးမှုကြောင့် မြို့ပေါ်စာသင်တိုက်မှာပင် ရဟန်းခံသည်။ ပထမကြီးတန်းလည်းအောင်ပါသည်။    

      သီတင်းကျွတ်စာဝါပိတ်ရက်အတွင်း နိုင်ငံတော်ပရိယတ္တိသာသနာ့တက္ကသိုလ် ၀င်ခွင့်စာမေးပွဲ၌ ၀င်ရောက်ဖြေဆိုသည်။  အောင်မြင်ခဲ့ပါသည်။ သာသနာ့တက္ကသိုလ်၌ တက်ရောက်ခဲ့ပြီး “သာသနတက္ကသီလ ဓမ္မာစရိယ B.A(Buddhism)” ဘွဲကိုလည်းရရှိခဲ့ပါသည်။

          ''ဆရာတော်ဘုရား စာပြန်မလို့ပါဘုရား၊ ဆရာတော်ဘုရား စာပြန်မလို့ပါဘုရား '' 

         “ ဟေ...အေး အေး“

          စာပြန်ရန်ရောက်လာသော ကိုရင်တစ်ပါး၏အသံကြောင့် သူ၏ အတွေးစများ ပြတ်သွားသည်။

စိတ်အာရုံရှိ ပုံရိပ်တို့သည်လည်း ပျောက်ကွယ်သွား၏။ စာပြန်မည့်ကိုရင်၏စာအုပ်သည် သူ၏မျက်နှာရှေ့သို့

ရောက်ရှိသွားတော့သည်။

  

                        xxxxxxxxxxxxxxxxxxxxxxxxxxxxxxxxxxxxx

          သူနေထိုင်သည့် မြို့နှင့် မိုင် ၆၀-ခန့် ဝေးသော မြို့တစ်မြို့ရှိကျောင်းရေစက်ချပွဲတစ်ခု၏ အချိုပွဲဝိုင်း

တွင်ဖြစ်သည်။

          '' ဦးတေဇလို့  ထင်ပါတယ်''

          အနားကပ်ကာ ဘွဲ့ကို တိုးတိုးမေးသော အသံကြောင့် သူလှည့်ကြည့်လိုက်သည်။ ၀၀ ဖိုင့်ဖိုင့် အသားကဖြူဖြူ ဥပဓိရုပ်က ကောင်းကောင်း ဆရာတော်တစ်ပါး..။ စိတ်ထဲမှာ မြင်ဖူးသလိုလို ..။

         မှတ်မိပါပြီ။

          '' အရှင်ဘုရား ၀ဏ္ဏသာမိ မဟုတ်လား၊''

          '' အရှင်ဘုရား မှတ်မိသားဘဲ ''

          '' မမျှော်လင့်ဘဲ အခုမှ တွေ့လိုက်ရတော့ တပည့်တော် စိတ်ထဲတော်တော် ဝေခွဲယူရတယ်၊အခုဘယ်

မှာ ကျောင်းထိုင်နေတာလဲ၊ ဘာလုပ်နေတာလဲ၊  ရိပ်သာ ဖွင့်နေတာလား''

          '' အရှင်ဘုရား မေးခွန်းတွေက များလှချေလား၊ တပည့်တော် ဘယ်ကစပြီး ဖြေရမှန်းတောင် မသိတော့ဘူး၊အလှူ ပြီးရင် တပည့်တော်ကျောင်းကိုကြွခဲ့ပါအုံး၊ကျောင်းရောက်မှပြောကြတာပေါ့၊ရော့လိပ်စာ

ကတ် ယူထား''

         ဦးဝဏ္ဏသာမိပေးသောလိပ်စာကတ်ကိုယူလိုက်သည်။ဦးဝဏ္ဏသာမိသိဒ္ဓိ၊အောင်သိဒ္ဓိကျောင်းတိုက်တွေ့

ရသည်။ ဖုန်းနံပါတ်လည်း ပါသေးသည်။

          '' အရှင်ဘုရားကော ဘာလုပ်နေသလဲ''ဟု ဦးဝဏ္ဏသာမိက မေးသည်။     

          '' တပည့်တော် အကြီးတန်းအောင်ပြီးတာနဲ့ သာသနာ့က္ကသိုလ် တက်တယ်၊ တက္ကသိုလ်တက်တာ လေးနှစ် အတွင်းမှာပဲ ကျမ်းလဲပြီးသွားတယ်၊ နောက် တောင်တန်းသာသနာပြု ၂-နှစ်ကြွ၊ တက္ကသိုလ်ကပေး

တဲ့ ဘွဲ့ကိုယူ၊ စာသင်တိုက်မှာ စာပြန်ချ၊ အခုတော့ ဆရာတော်ရဲ့လမ်းညွှန်မှုနဲ့မြို့ငယ်လေးမှာစာသင်တိုက်ဖွင့်

လို့ပေါ့၊ သံဃာကတော့ အပါး လေးဆယ်ကျော်လောက်ပဲရှိတယ်''

        ''အင်း..ကိုယ်တော်ရည်ရွယ်ချက်အတိုင်းတော့အကောင်အထည်ဖော်နိုင်ပြီပေါ့၊တပည့်တော်ဝမ်းသာပါ

တယ် ဦးတေဇ။ ကဲ အလှူ ပြီးမှ ကျောင်းမှာ ပြန်ဆုံမယ်''

                                xxxxxxxxxxxxxxxxxxxxxxxxxxxxxxxx

          အောင်သိဒ္ဓိကျောင်းဝင်းအတွင်းသို့ဝင်လိုက်သည်နှင့်  စုလစ်မွန်းချွန်များဖြင့် မြန်မာမှု မြန်မာ့ဟန်

အတိုင်းဆောက်ထားသော နှစ်ထပ်ကျောင်းတော်ကြီးကိုမြင်ရသည်။ ကျောင်းရှေ့တွင် ကားသုံးစီး ရပ်ထား

သည်။ ဆော့ကစားနေသော ကျောင်းသားတစ်ယောက်ကို ခေါ်ပြီးမေး ကြည့်တော့ ဧည့်သည်တွေရောက်နေ

ကြောင်း သိရသည်။ 

         “ ဧည့်သည်တွေ ရောက်လဲရောက်ပေါ့ ကိုယ့်မိတ်ဆွေ ဆီလာတာပဲ ” ဟု တွေးကာ ကျောင်းပေါ်သို့ တက်သွားသည်။ ကျောင်းတံခါးပေါက်အနားအရောက် အထဲမှပြောဆိုနေသော စကားသံကြောင့်သူ့ခြေလှမ်း

များ တုံ့ဆိုင်းသွားသည်။

          ''တကာမကြီး ရဲ့အိမ်အရောင်းထွက်ဖို့ဆိုတာသိပ်မခက်ဘူး၊ဘုန်းကြီးခိုင်းတဲ့အတိုင်းသာလုပ်၊အုန်းသီး

တစ်လုံးကို အိတ်နဲ့ထုတ်ပြီး 'အောင်' ပါတဲ့ တနင်္ဂနွေသားကို အိမ်အောက်ဝင်ပြီး မြှုပ်ခိုင်း၊ မြှုပ်တဲ့အခါလည်း တကာမကြီးက သိန်း နှစ်ရာနဲ့ရောင်းချင်တယ်ဆိုတော့ သိန်းနှစ်ရာဆိုပြီးမြေဖြူနဲ့ အုန်းသီးမှာရေး အိမ်ရောင်း မြန်မြန်ထွက်ပါစေဆိုပြီး အုန်းသီးကို အုန်းရွက်နဲ့ ၉-ချက်ရိုက်၊ ကြားလား ''

          '' မှန်ပါ့ ဘုရား၊ တပည့်တော်မ သားကြီးက အောင်စိုးဆိုတော့ တနင်္ဂနွေသား ဘုရား၊ သူ့ကို ခိုင်းလို့

ကောရလားဘုရား ''

          '' ဟာ့ .. ရတာပေါ့ မိသားစုဝင်တွေဆိုတော့ ပိုလို့တောင် ကောင်းသေးတယ်''

          '' တပည့်တော်မ ဆရာတော် လိုအပ်သလို သုံးဖို့လှူပါတယ်ဘုရား''

          '' အေး ..အေး ..၊ ရှေ့က ခုံပေါ်မှာ ချထားလိုက်''

          '' ဒီဘက်က တကာမက''

          '' တပည့်တော်မက အရောင်းအ၀ယ်ပြုလုပ်ပါတယ်၊ အရောင်းအ၀ယ်လည်း မကောင်းဘူးဘုရား၊ ဘာအလုပ်ပဲ လုပ်လုပ်၊ အရှုံးပဲ ပေါ်နေပါတယ်ဘုရား၊ ဒါ့ကြောင့် တပည့်တော်မအတွက်လည်း ရောင်းရေး ၀ယ်ရေးအတွက် ကောင်းအောင်...”

          '' ဒီက တကာမလေးက မိဘကို ပြစ်မှားထားတာကိုး၊ ဒါ့ကြောင့် ဘယ်လိုလုပ်လုပ် မကြီးပွားနိုင်ဘူး ''

          '' မှန်ပါ၊ တပည်တော်မမှာ အမေတော့ မရှိတော့ဘူးဘုရား၊ အဖေတော့ ရှိပါသေးတယ်၊အဖေနောက်

အိမ် ထောင်ပြုလိုက်ကတဲက တပည့်တော်လဲ မသွားဘူးဘုရား၊ အဲဒီမိန်းမနဲ့ဆိုရင်မလာနဲ့ဆိုပြီးတော့ တပည့်

တော် ခါးခါး သီးသီး ပြောဖူးတာတော့ ရှိပါတယ်ဘုရား၊''

          '' တကာမလေး အဖေဟာ အဖေပါပဲ၊ ကိုယ့်ကျေးဇူးရှင်ပါပဲ၊ အဖေကိုလည်း သွားတောင်းပန်လိုက်၊    ဒီလိုမှ မဟုတ်ရင် အဖေရဲ့ဓာတ်ပုံကိုဖြစ်ဖြစ်၊ အ၀တ်အစားကိုဖြစ်ဖြစ် တောင်းပန်လိုက်၊ ဒီလိုဆိုရင် အောင်

်မြင်လိမ့်မယ်၊ ရော့.. ဒီအဆောင်လေးယူသွား၊ အလုပ်လုပ်တိုင်း ကိုယ်နဲ့မကွာ ဆောင်ထား၊ အောင်မြင်လာ

ပါလိမ့်မယ်''

          '' မှန်ပါ့ဘုရား''

          သူ သည် ကျောင်းခန်းထဲမှထွက်ပေါ်လာသော စကားသံများကိုနားထောင်နေရင်းရပ်နေသည့်အဖြစ်

ကိုပင် မေ့လျော့ နေမိသည်။ ကျောင်းခန်းထဲမှ ထွက်လာသောတကာမသုံးယောက်သူ့ အနားရောက်မှ သတိ

ပြန် ၀င်လာသည်။  တကာမများက သူ့ကို လက်အုပ်ချီသွားပါသည်။

       သူ ကျောင်းထဲသို့ ၀င်လိုက်သည်။ ပြောင်လက်ချောမွတ်နေသောကြမ်းပြင်သည်သူ့အရိပ်ကိုပင်ထင်နေ

သည်။ မျက်နှာကြက်ပေါ် ကြည့်လိုက်ပြန်တော့လည်း မီးဆိုင်းများဖြင့် တင့်တယ်လှပေသည်။ ကျောင်းနံရံ ဘက်တွင်လည်း ရေခဲသေတ္တာနှင့် ရေအပူအအေးရနိုင်သောရေသန့်စက်လည်းရှိသည်။နံရံပေါ်တွင်ရေတံခွန်

ပုံပန်းချီကားကြီးမှာ ရေစီးဆင်းလျှက်....။ 

       ဘုရားခန်းဘက်ကိုကြည့်လိုက်မိသည်။ ပလ္လင်ပေါ်တွင် စံမြန်းသီတင်းသုံးနေသော မြတ်ဗုဒ္ဓ၏ ကိုယ်စား ရုပ်ပွားတော်ကြီးမှာ နောက်ခံမီးဆိုင်းတို့ကြောင့် ရောင်ခြည်တော်များ ကွန့်မြူးလျက် တင့်တယ်နေပေသည်။ ပလ္လင်တော်ရှေ့တွင်ကားအမွေးတိုင်မီးခိုးတလူလူဖြင့်ကန်တော့ပွဲခုနစ်ပွဲတွေ့ရသည်။ဖယောင်းတိုင်မီးတွေက

လည်း ၀င်းဝင်းတောက်လျှက်...၊၊

          သူ ဘုရားရှင်အား ဦးချ ကန်တော့လိုက်သည်။

          '' ဦးတေဇ ရောက်တာ ကြာပြီလား''

          '' သိပ်တော့ မကြာသေးဘူးဘုရား၊    

          “ခုနကအရှင်ဘုရားဧည့်သည်တွေရောက်နေတာနဲ့တပည့်တော်လဲ မ၀င်သေးဘဲ စောင့်နေတာပါ ''

          ဦးဝဏ္ဏသာမိသိဒ္ဓိ ကျောင်းသားတစ်ယောက်ကို ခေါ်လိုက်သည်။ ရေခဲသေတ္တာထဲမှ အအေးဗူးတွေ ယူခိုင်းကာ ကပ်စေသည်။ ဦးဝဏ္ဏနှင့် ငယ်စဉ်ကအကြောင်းတွေကို စကားပြောဖြစ်ခဲ့ကြသည်။ ဦးဝဏ္ဏ၏

အတွေးအခေါ် အချို့ကိုလည်း သိခွင်ရခဲ့သည်။ စကားပြောဆိုကြသည်မှာတစ်နာရီခန့်ကြာမည်ထင်သည်။ 

နံရံရှိ နာရီကိုကြည့်လိုက်တော့ သုံးနာရီထိုးပြီ။

     သူ အအေးဗူးကို ဖွင့်၍သောက်လိုက် သည်။ အအေးသည် အေးမြမှု မရှိတော့၊ သူ့သဘာဝအတိုင်း ချို မြိန်သည့် အရသာတော့ ပျောက်မသွား၊ သို့ရာတွင် သူ၏ လည်ချောင်း ချောက်ကပ်ကပ် တစ်ဆို့ဆို့ဝင်သွားပါသည်။

          '' ဦးဝဏ္ဏ ညနေ သုံးနာရီလဲထိုးပြီ တပည့်တော် ပြန်အုံးမယ်''

          ''ဟာ.. ကိုယ်တော်က ဒီမှာ ညမကျိန်းဘူးလား''

          ''တပည့်တော်လာတာ နေ့ချင်းပြန် ဘုရား၊ မနက်ဖြန်လည်း ကျောင်းမှာ လပတ်စာမေးပွဲ ဖြေဆိုခိုင်း

ဖို့ရှိသေးတယ်''ဟုဆိုကာ ကျောင်းမှ ထွက်လာခဲ့သည်။ ဦးဝဏ္ဏက မုခ်ဝရောက်သည့်အထိ လိုက်ပို့သည်။ ဖုန်း

လည်းမကြာမကြာဆက်ဖို့သတိပေးလိုက်သေးသည်။

                        xxxxxxxxxxxxxxxxxxxxxxxxxxxxxxxxxx

         

          ကတ္တရာလမ်းမကြီးပေါ်တွင် ကားကလေးတစ်စီး အရှိန်ဖြင့်ပြေးနေသည်။ ကားလေးပေါ်တွင်ကား ကားမောင်းသူ ဒကာနှင့် သူ..။ 

         သူ၏စိတ်အာရုံတွင် ဦးဝဏ္ဏ၏ စကားသံများက ပဲ့တင်ထပ်နေသည်။

          ''အရှင်ဘုရား ကြည့်စမ်းပါအုံး ခုခေတ်မှာဓမ္မာစရိယတွေအောင်ပြီးနေစရာမရှိဘူး၊ငယ်ငယ်ရွယ်ရွယ် 

ကတည်းက သူတို့စိတ်ထဲမှာ စာတစ်ခုတည်းရှိတယ်၊ ခုခေတ်က ရှေးဘုန်းရှေး ကံဆိုတာချည်း အားကိုးလို့မရ

တော့ဘူး၊ ကိုယ်မှ မမြင်ရတာ၊ ကိုယ်တိုင် လှုပ်ရှားနိုင်မှ ခေတ် နဲ့အညီ နေနိုင်တာ အရှင်ဘုရားရေ''

          “သြော်... ဦးဝဏ္ဏ ဘယ်လိုအတွေးအခေါ် မျိုးဝင်နေပြီလဲ ”

     သူ၏ စိတ်အာရုံထဲတွင် ဦးဝဏ္ဏနှင့် ငယ်စဉ်က စာသင်တိုက်မှာ နေစဉ်က ခင်မင်ရင်းနှီးခဲ့ပုံတွေ ထင်လာသည်။ စာသင်တိုက်သွားရန် မီးရထားပေါ်မှာ ဆုံတွေ့ခဲ့ပုံလေးတွေ မြင်ယောင်လာ၏။  မီးရထားကြီးခုတ်မောင်းရာ သံလမ်းကိုလဲမြင်ယောင်လာသည်။

       မီးရထားသံလမ်းနှစ်ဖက်သည် မျဉ်းပြိုင်ဖြစ်နေပါသည်။  သံလမ်းတဖက်နှင့် တစ်ဖက်သည် ဆုံမှတ်ဟူ၍ မရှိ၊ မည်သည့်အချိန်မှလည်း ရှိနိုင်လိမ့်မည်မဟုတ်။

   သူ၏ လုပ်ဆောင်ချက်နှင့် ဦးဝဏ္ဏ၏ လုပ်ဆောင်ချက်တို့သည် ပုဂ္ဂိုလ်အားဖြင့် ခင်မင်နေသော်လည်း နှလုံးသားချင်းမှာတော့ မီးရထားသံလမ်းကဲ့သို့ ပေါင်းဆုံမှုမရှိသောမျဉ်းပြိုင်တွေများဖြစ်နေပြီလား..၊

ဘ၀မျဉ်းပြိုင်တွေလား... ဘ၀မျဉ်းပြိုင်တွေလား...။

         သူ၏ စိတ်အာရုံထဲ မေးခွန်းတွေ တစ်သီးကြီး ပေါ်လာသည်။ သူစီးလာသော ကားကလေးကတော့ အရှိန်နှင့် ပြေးနေဆဲ... ။    

                                                                                     အရှင်ဓမ္မိက(လောင်းလုံ)

ဓမ္မရတနာဓမ္မမဂ္ဂဇင်းတွင်ဖေါ်ပြပြီးဖြစ်ပါသည်။

         

အမေ ၀မ်းမြောက်ပါလေတော့...

                     
        နတ်တော်လဆန်း ၁၄-ရက် ည။

    ပြည့်လုလု လပြည့်ဝန်းမှာ ထိန်ထိန်သာလျက်..။ ကမ္ဘာအေးစေတီ စိန်ဖူးတော်နှင့်အညီ ရောက်ရှိနေပြီ။ ဆောင်းည၏ အေးမြမှုကလည်း စတင်ဝင်ရောက်နေ၏။ 

     သာသနာ့တက္ကသိုလ် ဘွဲ့နှင်းသဘင်၌ ပြင်ဆင်မှုများကို အမေက ကြည့်ချင်သည် ဆိုသောကြောင့် ဘွဲ့နှင်းအဆောက်အဦအရှေ့သို့ ရောက်လာခဲ့သည်။ အဖေကတော့ ကချင်ဆောင်ရှေ့ သရက်ပင်အောက် အုတ်ခုံကလေးပေါ်ထိုင်ကာ ကျန်ခဲ့သည်။ 

      ဘွဲ့နှင်းသဘင် အဆောက်အဦရှေ့ခရေပင်ကြီးကို တဖျပ်ဖျပ်လင်းနေသော မီးလုံးကလေးများကလွှမ်းခြုံ

ထားသည်။ ခရေပင်ကို ပိုးစုန်းကြူးများ ၀ိုင်းအုံကျနေသကဲ့သို့ ရှိသည်။ မြက်ခင်းပြင်နှင့် တစ်ထွာခန့်မြင့်သော

လခြမ်းသဏ္ဌာန် အုတ်ဘောင်က ခရေပင်ကို ဗဟိုပြု၍ ၀န်းရံထား၏။ အုတ်ဘောင်ပေါ်တွင် နှစ်ပေခန့် ခြား၍ စီတန်းအလှဆင်ထားသော ကျောက်ခက်ပန်းနှင့် ရွက်လှပန်းအိုးများ...၊ရွက်လှပန်းရွက်များမှာမီးရောင်

ကြောင့်ရောင်ပြန်နေသည်။

       ဘွဲ့နှင်းသဘင် အဆောက်အဦမျက်နှာ နဖူးစည်းတွင် အလျား၁၂-ပေ၊ အနံ ၃-ပေခန့်ရှိ နီညိုရောင် ကတ္တီပါပေါ် အဖြူရောင် စာလုံးများ စီခြယ်ထားသောဘွဲ့နှင်းသဘင် ဆိုင်းဘုတ်မှာလည်း မီးရောင်ကြောင့် ပိုမိုတောက်ပနေသည်။ 

        အမေသည် ဦးခေါင်းကို ညင်သာစွာ ဘယ်ညာယမ်း၍ ဘွဲ့နှင်းသဘင်ဆိုင်းဘုတ်စာသားများကို ကြည့်

နေသည်မှာ မျက်တောင်ခတ်ရမည်ကိုပင် မေ့နေသည်ထင်၏။

       အမေ့ကိုကြည့်မိသည်။ ရန်ကုန်မြို့နှင့်လိုက်ဖက်အောင် သပ်သပ်ရပ်ရပ်ဝတ်စားထားသော်လည်း နှစ်

ပေါင်းများစွာ ခေါက်ရိုးကျိုးနေသော တောသူရုပ်ကိုကား ဖျောက်၍ မရ။ ညိုရင့်နေသောအမေ့အသားအရေ

က နေပူကို အန်တု၊ မိသားစုဘ၀ကို ပြုစုခဲ့ရသော လယ်တောထဲက ဒဏ်ရာဒဏ်ချက်များမအဖြစ် ပြသနေ

သည်။ အရိုးပေါ်အရေတင် ပိန်သွယ်သောခန္ဓာကိုယ်က လောကဓံ၏ ရိုက်ချက်ကို အားတင်းခဲ့ကြောင်း ဖော်ပြနေ၏။ အမေ့ခေါင်းပေါ်က ဆံဖြူများမှာ စုတ်ချက်မညီသော ပန်းချီလက်ရာကဲ့သို့ ကွက်တိ ကွက်ကျား။ လိမ်းခြယ်ထားသော သနပ်များက မျက်နှာရှိဇရာပြယုဂ် အရေးအကြောင်းများကို ဖုံးလွှမ်းနိုင်ခြင်းမရှိခဲ့။

       မိမိကိုရင်ဘ၀ စာသင်တိုက်သို့ထွက်ခဲ့စဉ်က အမေ့ရုပ်ရည်နှင့် ယခုမြင်တွေ့နေရသော အမေ့ရုပ်ရည်

သည် လုံးဝခြားနားနေခဲ့ပြီ။ အချိန်ကာလတစ်ခု အတွင်း ဘ၀၏ဒဏ်ရာဒဏ်ချက်များကို ကုစားနိုင်ခဲ့သော်

လည်း အချိန်၏ ဖိစီးတိုက်စားမှုကြောင့် အမေ့ရုပ်မှာ အိုသွားကာ အဘွားနှင့်တူလာ၏။ သို့ရာတွင် အမေ့အပြုံးမှာ နုပျိုနေသည်။

       သာသနာ့တက္ကသိုလ် စတုတ္ထနှစ်ကို မြန်မာစာ ဘာသာ၊ ဗုဒ္ဓဒေသနာပြန့်ပွားဘာသာ ဂုဏ်ထူးတို့ဖြင့် အောင်မြင်ကြောင်းစာရေးလိုက်စဉ်ကအမေအလွန်ဝမ်းသာသည်ဟုဆိုသည်။ နောက်တောင်တန်းသာသ

နာပြုအနေဖြင့် ဘူးသီးတောင်ဒေသသို့ ၂-နှစ် သွားရမည်ဆိုသော အကြောင်းကို အရောက်တွင်မူအမေ

သည်စာကိုရပ်ကာ ငြိမ်သက်နေပြီး ''ဦးဇင်းရဲ့ကျန်းမာရေးနဲ့ဆိုရင် ဖြစ်ပါ့မလား''ဟု စိုးရိမ်နေကြောင်းညီမငယ်

ထံမှ သိရသည်။

       တောင်တန်းမသွားခင် ရွာကို ခေတ္တပြန်စဉ်ကလည်း အမေ့နှုတ်ဖျားက ''ကျန်းမာရေးကို ဂရုစိုက်ရန်'' အထပ်ထပ်မှာနေသောကြောင့် ညီမငယ်က ''အမေဦးဇင်းက ကလေးမဟုတ်တော့ဘူး'' ဟုပြောရသည်အထိဖြစ်သည်။ 

       ''၀မ်းတစ်လုံးကောင်းရင် ခေါင်းမခဲဘူး၊ ၀မ်းဆိုတာ အခါးဓါတ်ရှိမှ''ဟုဆိုကာအမေကိုယ်တိုင်ပြုလုပ်ထား

သော ရှမ်းဆေးခါးမှုန့်များကို ပုလင်းတစ်လုံးဖြင့် အပြည့်ထည့်ပေးလိုက်သေးသည်။''ဦးဇင်း ၊ ဘွဲ့ယူတဲ့နှစ်

ကျရင် ရန်ကုန်မြို့မှာ ရှိတဲ့ ဘုရားတွေစုံအောင်လိုက်ဖူးမယ်။ဘွဲ့ယူတဲ့အခါ သည်အင်္ကျီကိုဝတ်ရမှာ''ဟုဆိုကာ

ပရုတ်နံ့သင်းနေသော ငုဝါအရောင် နုအင်္ကျီလက်ရှည် အခေါက်ကလေးကို ခင်မင်သောအိမ်နီးနားချင်းများ

ထုတ်ပြရသည်မှာလည်း မမောနိုင်။

      နေအိမ်နှင့် ၊လယ်တော၊ လယ်တောနှင့်နေအိမ်ကိုသာ မမောတမ်းသွားနေခဲ့သော အမေ..။

    အခုတော့ ရန်ကုန်မြို့ကြီးကိုရောက်နေရပြီ။မင်းကွန်းတိပိဋကဓရဆရာတော်ကြီးဦးစီးတည်ထောင်ခဲ့သော

နိုင်ငံတော်ပရိယတ္တိသာသနာ့တက္ကသိုလ်ကြီးတည်ရှိရာကမ္ဘာအေးကုန်းမြေသို့ရောက်ဖူးခဲ့ရပြီ။မနက်ဖြန်ဆိုပါ

ကဘွဲ့နှင်းသဘင် ခန်းမကြီးထဲ ငုဝါအရောင်နု အင်္ကျီလက်ရှည်နှင့် ပ၀ါဖြူကို ပခုံးနှစ်ဖက်ပေါ်တင်ကာဘွဲ့လက်

မှတ်ခံယူနေသော သားဦးပဉ္ဇင်းကို ပီတိအပြုံးနှင့် ကြည့်နေမည်ကိုလည်း မြင်ယောင်မိသေးသည်။  

     ''ဦးဇင်းတေဇ၊ ဦးဇင်းအဖွားသာ အခုအချိန်မှာရှိရင် ဘယ်လောက်များဝမ်းသာနေမလဲ..နော်''

     လွန်ခဲ့သော ၈-နှစ်ခန့်က ဆုံးသွားသောအဘွားကို သတိရကြောင်း ပြောလာသောစကားနှင့်အတူ အမေ၏အပြုံးများရုတ်တရက်ပျောက်ကွယ်သွား၏။အမေ့မျက်နှာသည်လည်းပြိုတော့မည့်မိုးနှယ်...။အမေ

သည်မျက်တောင်များကိုပုတ်ခတ်ပုတ်ခတ်လုပ်နေသည်။မျက်ဝန်းပတ်လည်ရစ်ဝိုင်းလာသည့်မျက်ရည်များကို 

မျက်တောင်ဖြင့် သိမ်းဆည်းနေသည် ထင်၏။    

    ''ဦးဇင်း...ကိုရင်ဘ၀တုန်းကလူထွက်မယ်ကြံတုန်း တပည့်တော်ပြောခဲ့တဲ့စကားတွေက မှတ်မိသေးလား'' အမေ၏မျက်ဝန်းအစုံမှာ ရီဝေနေသည်နှင့်အတူစိတ်အစဉ်မှာလည်းအတိတ်တစ်ခုဆီသို့သွားနေသည့်နှယ်...။

                                xxxxxxxxxxxxxxxxxxxxxxxxxxxxxxxx

       မြတ်ဗုဒ္ဓဒေသနာတော်၌ သက်ဝင်ယုံကြည့်မှုကို အခြေခံ၍ရှင်ရဟန်းပြုလာသူကိုသဒ္ဓါပဗ္ဗဇ္ဇိတ။ဘေးအန္တ

ရာယ်ကြုံ၍ အန္တရာယ်မှ ခေတ္တလွတ်မြောက်ဖို့ ရှင်ရဟန်းပြုလာသူကို ဘယာပဗ္ဗဇ္ဇိတ။ 

      ဤနှစ်မျိုးလုံးတွင် မိမိမပါဝင်ဟု ဖြေရမည်။ အဘွား ကျန်းမာရေးချို့ယွင်းလာ၍ ၁၂-နှစ်အရွယ်သူ့မြေး

ကလေးကို ရှင်ပြုချင်ပါသည်ဟု ဆိုသောကြောင့်အခြေအနေအရရှင်သာမဏေဘ၀သို့ရောက်လာခဲ့ရသည်။ 

ထို့ကြောင့် မိမိ ရှင်သာမဏေ ဖြစ်လာသည်မှာ အခြေအနေအရပဗ္ဗဇ္ဇိတဟုဆိုလျှင်မှန်မည်လားမပြောတတ်။ 

       ပဉ္စမတန်း စာမေးပွဲအပြီး ကျောင်းပိတ်ရက်အတွင်း ဘုန်းတော်ကြီးကျောင်း၌ ကျောင်းသားအဖြစ်

ရောက်နေချိန်၊ မှတ်မှတ်ရရ သင်္ကြန်အကျနေ့...။

       ထိုနေ့တွင် မိမိ ရှင်သာမဏေအဖြစ်သို့ ရောက်ခဲ့သည်။ 

       မိမိကို ရှင်ပြုရာတွင် မဏ္ဍပ်ထိုးခြင်းလည်းမရှိခဲ့။ရှင်လောင်းအ၀တ်အစားနှင့်မောင်ရှင်လောင်းလှည့်ခြင်း

လည်းမရှိခဲ့။ ဗြောတီးပြီး ဘိသိက်မြှောက်ခြင်းဆိုက ပို၍ပင် ဝေးသေးသည်။ နတ်ပြသော အစဉ်အလာသည်

လည်း မိမိတို့ရွာတွင် မရှိ။ ရှိသည်က ကိုရင်ဝတ်မည့်သူမှန်းသိအောင် ဘုန်းကြီးဆောင်း ၀ါးတစ်လုံး ထီးတစ်

လက်ကို ပခုံးပေါ်တင်၍ မနက်ပိုင်း အဖေ့ဘက်က အဘိုးအဘွားများနှင့် ကျောင်းတွင်းရှိ ဥပုသ်သည် အဘိုး

အဘွားများကို လိုက်ကန်တော့ရသည်။ 

       မိမိရှင်ပြုရာတွင်လည်း အခြံအရံအနေဖြင့်ပရိက္ခရာ ၈-ပါး၊ ကန်တော့ပွဲ ၁-ပွဲ၊ ပန်းနှင့် သပြေခက်များ ထိုးထားသော ပန်းအိုးကလေးတစ်လုံး။ အဖေ အမေဆွေမျိုးများ ၊ ဥပုသ်သည်များသည် သာလျှင် ရှိခဲ့သည်။ ညနေဘက် ဆရာတော်ကိုယ်တိုင် ခေါင်းရိတ်ပေးအပြီ။ သင်္ကန်းတောင်းဆိုကာ သင်္ကန်းဝတ်၊ သရဏဂုံနှင့် ၁၀-ပါးသီလခံယူ၊ ဥပဇ္ဈာယ်ယူအပြီးတွင်မူ  ရှင်ပြုခြင်း အခမ်းအနားပြီးတော့သည်။ 

                                  xxxxxxxxxxxxxxxxxxxxxxxxxxx

       နောက်တစ်နေ့...။

       ရွာရှိ ဘုန်းတော်ကြီးကျောင်း ၂-ကျောင်းမှ ဆရာတော် ၂-ပါးအပါအ၀င်သံဃာတော်၅ပါး၊မိမိအပါအ၀င်

ရှင်သာမဏေ ၅-ပါးတို့ကို အိမ်သို့ပင့်ကာ နေ့ဆွမ်းဆက်ကပ်သည်။ ကျောင်းရှိဥပုသ်သည်များလည်း အပါအ

ဝင်ဖြစ်သည်။ 

       ထိုနေ့က အလှူ၌ ဆရာတော်ဟောကြားသည့်တရားကိုမူ မိမိနှင့် တိုက်ဆိုင်နေ၍ အနည်းငယ် မှတ်မိနေသေးသည်။ 

       ''ရှင်လောင်းတွေလှည့်၊ မဏ္ဍပ်ကြီးတွေထိုး၊ ဗြောတွေတီး၊ ဆိုင်း ၀ိုင်းကြီးတွေပါမှ တို့ဒကာ၊ ဒကာမတွေက ရှင်ပြုတယ်လို့ ထင်နေကြတယ်။ အဲဒါတွေဟာ မြတ်ဗုဒ္ဓအလိုကျ ရှင်ပြုတဲ့အထဲ မပါဘူး။ 

      ''ခေါင်းရိတ်၊ သင်္ကန်းဝတ်၊ သရဏဂုံ ၃-ပါးကိုပီပီပြင်ပြင်စိတ်ပါ လက်ပါ ဆိုတတ်ရင် ဒီ ၃-ချက်ပြည့်စုံရုံနဲ့

တင် ရှင်ဖြစ်တယ်။ ကိုရင်ဆိုတော့ ၁၀-ပါးသီလတော့ ယူရတာပဲပေါ့။

      ''အခုခေတ် ထမ်းစင်တွေ မြင်းတွေနဲ့ ရှင်လောင်းလှည့်နေကြတာမျိုး၊ စာပေထဲမှာတော့ ၃-ဌာနလောက်

ပဲ တွေ့ရတယ်။ ဗိမ္ဗိသာရမင်းကြီးရဲ့မိဖုရား ခေမာ ဘိက္ခုနီပြုတာရယ်၊ ရာဇဂြိုဟ်မြို့က ၀ိသာခါသူဋ္ဌေးရဲ့က

တော် ဓမ္မဒိန္ဒာဘိက္ခုနီပြုတာရယ်၊ နောက်ပြီး သိရီဓမ္မာသောကမင်းကြီးရဲ့ညီတော် အိမ်ရှေ့စံမင်း တိဿ ရှင်ပြုတာရယ်လောက်ပဲ။ 

     ''အဲ..ဗိမ္ဗိသာရမင်းကြီးက ရှင်ဘုရင်ဆိုတော့ ဘယ်ကိစ္စမျိုးမဆို ကြီးကြီးကျယ်ကျယ်လုပ်မှာပဲ။ ၀ိသာခါက

လဲ သူဋ္ဌေးကြီးကိုး၊ အခမ်းအနားတွေနဲ့ လုပ်မှာပေါ့။  နောက် နှစ်ပေါင်း နှစ်ရာကျော်လောက်အကြာ သိရီဓမ္မာ

သောကဆိုတာကလဲ ရှင်ဘုရင်ကြီး ရှင်ဒကာ၊ ရှင်လောင်းကလဲ ညီတော်အိမ့်ရှေ့စံဆိုတော့ အကြီးအကျယ်

လုပ်မှာပဲ။ အဲဒါကိုတော့ နားလည်ရမယ်။ 

      ''ပဏ္ဍိတသာမဏေ၊ မဟာဒုတ်အလောင်း၊ ၀န၀ါသီတိဿ စတဲ့ပုဂ္ဂိုလ်တွေကတော့ရိုးရိုးကလေးကျောင်း

သွားပြီး သင်္ကန်းဝတ်ကြတာပဲ။ သားတော်ရာဟုလာ ရှင်ပြုတာပဲကြည့် ရိုးရိုးကလေး လုပ်သွားတာ။

      ''အခုလဲ မောင်ရွှေ+မပို့တို့ရဲ့သား ထွန်းမောင်ကိုရှင်ပြုတာလဲ ဘာမှ ထူးထူးထွေထွေမပါ။ ဒါလဲ ကိုရင်

ဖြစ်တာပဲ။ တရားနာနေကြတဲ့ ဒကာ၊ ဒကာမတွေ အဓိကနဲ့ သာမည ခွဲတတ်ပါစေ။ ငါတို့ လုပ်တဲ့အလုပ်ဟာ ရှင်ပြုတာလား...၊အလှူပေးတာလား...၊ဆိုတာခွဲခြားပြီးတော့ နားလည်ထားရမယ်။

       ''နောက်ပြီး မိဘတွေသားကို ရှငပြုချင်တာနဲ့ ကျီးခြောက်လှန့်နိုင်ရင် ရပြီဆိုပြီး သဘောမထားကြနဲ့။ ငယ်လွန်းရင် အပြစ်ဖြစ်မယ်။ အမှိုက်ကစပြာသာဒ်မီးလောင်ဆိုတာမျိုးလို သေးငယ်တဲ့အရာပဲဖြစ်ပါစေ တန်းဖိုးထားတတ်ရင် တန်းဖိုးထားသလောက် အကျိုးကြီးတာ၊ ဒါကို သတိထားစေချင်တယ်'' 

      ထိုအလှူနေ့က ကျန်းမာရေးမကောင်း ဖြစ်ချင်နေသောအဘွားက သူကိုယ်တိုင်ရေစက်ခွက်ကိုင် မည်

ဆိုသောကြောင့် အိမ်အလယ်ခေါင်ကိုမှီပြီး တုန်တုန်ယင်ယင်ဖြင့် ရေစက်ချနိုင်ခဲ့သည်။ ရေစက်ခွက်ကိုင်

ခွင့်ရသောကြောင့် အဘွား၊ ကျေနပ်သွားဟန်ရှိသည်။ အဘွားမျက်နှာ ကြည်လင်လာ၏။

      မိမိ ကိုရင်ဝတ်ပြီး တစ်လကျော် အကြာအဘွားကျန်းမာရေး ပြန်ကောင်းလာသည်။ အဖေ အမေတို့၏ ပြုစုမှု၊ ဆရာဝန်၏ ဆေးစစ်ချက်မှန်ကန်မှုကြောင့် ဖြစ်မည်။ အဘွားပြုခဲ့သော ကုသိုလ်လည်းပါမည်။ သို့ရာ

တွင် အဘွားက သူပြန်လည်၍ ကျန်းမာလာသည်မှာ သူမြေးကိုရင် (မိမိ)ကြောင့်ဟု စိတ်စွဲနေသည်။ 

      သူအသက်ကိုကယ်သည်မှာလည်း ကိုရင်ဖြစ်သည်။ ထို့ကြောင့် သူ့ပိုင်ဆိုင်သော ဥစ္စာပစ္စည်းမှန်သမျှ  သူ့မြေးကိုရင်နှင့် သာ ထိုက်တန်သည်ဟု အမြဲပြောနေတတ်သည်။ 

      မိမိကလည်း ''ဟုတ်ကဲ့'' ဟုဆိုကာ လိုက်လျောညီထွေ ခေါင်းညိတ်ပြရ၏။ အဖေ အမေ တို့ကမူ မြေးနှင့်

အဘွား အတိုင်ဖောက်ညီနေသည်ကို ပြုံးကြည့်နေကြသည်။

                         xxxxxxxxxxxxxxxxxxxxxxxxxxxxxxxxxxxx

          ကိုရင်ဝတ်ခဲ့သည်မှာ ၂-၀ါရခဲ့ပြီ။ စာသင်ကျောင်းတွင် အတူနေခဲ့ရသော သူငယ်ချင်းများစက်ဘီး

ကိုယ်စီဖြင့် ၂-မိုင်ဝေးသော အောက်ရေဖြူအလယ်တန်းကျောင်းသို့ကျောင်းတက်သည်ကို မြင်ရပြန်တော့ ဂေါ့အင်းဘုရားပွဲမှ အဘွားမဲပေါက်၍ ပေးထားသော မိမိစက်ဘီးကလေးကို သတိရမိသည်။ 

       ၀ါဝင်ဝါကျွတ်လေတိုင်း ကျောင်းအုပ်ဆရာကြီးဦးစောညွန့်နှင့် ဆရာဦးကြည်ဝေ၊ ဆရာမတင်တင်ဖိုး၊ ဆရာမ သန်းသန်းညို၊ ဆရာမ ခင်ခင်ဦးတို့နှင့် ကျောင်းသား၊ ကျောင်းသူများ ဆရာတော်အား စုံစုံညီညီလာ

ရောက်ကန်တော့ကြသည့် မြင်ကွင်းကို မြင်ရလေတိုင်း ကျောင်းသားဘ၀ကို တမ်းတမိ၏။ ဆရာကြီး တို့လို ကျောင်းဆရာလည်း ဖြစ်ချင်မိသည်။ 

       ၀ါတွင်းဆိုရင် ကျောင်းတွင် ကိုရင် ၁၀-ပါးခန့်ရှိတတ်သော်လည်း ၀ါကျွတ်သည်နှင့် ကိုရင်တွေပါ ကျွတ်

သွားကြသည်။ မိမိအဖော်ဆို၍ ကျောင်းသား ၅-ယောက်၊ ခွေး ၂-ကောင်၊ ကြောင်တစ်သင်းသာလျှင်ကျန်ရှိခဲ့

သည်။ 

         ကျောင်းမုခ်ဝရှိ အာရုံခံတန်ဆောင်း၊ ဆယ်စောင်တွဲ စာအုပ်၊ အမေလူကြုံ ဖြင့်ဝယ်ပေးတတ်သည့် မင်္ဂလာမောင်မယ်စာအုပ်တို့သည်  မိမိ၏ အဖော်များဖြစ်ခဲ့သည်။ နေ့ လယ် ၁-နာရီကျက်စာအနေဖြင့် သုတသန္နိစ္စယကျမ်းဟုခေါ်သည့် လောကီကျမ်းကိုလည်း သင်ကြားရသေးသည်။

      စာသင်ရသည်ကို နှစ်သက်သော်လည်း ဆရာတော်၏ ခပ်ကြမ်းကြမ်းပြောဆိုသော စကားများကိုမူ မိမိ မနှစ်သက်။ တစ်ခါတစ်ရံ ငေါက်ငမ်းပြောတတ်သောစကားကို  မိမိ မခံနိုင်ဖြစ်ရသည်။ ထိုအထဲ ဆွမ်းခံထွက်

ရာတွင် မြေသပိတ် ကျကွဲလိုက်သေးသည်။ ပြီးမှ သံသပိတ် ကိုင်ခွင့်ရသည်။ ကြမ်းကြမ်းပြောဆိုခြင်းသည် မိမိအတွက် ရိုက်သည်ထက်ပင် နာသည်။ တံခါးထောင့်သည် မိမိ၏ ခိုကိုးရာဖြစ်ခဲ့သည်။ တံခါးထောင့်တွင် ငိုယိုခြင်းမှတစ်ပါး အခြားမရှိ။ ဆရာတော်နှင့် အဖေ၊ အမေ အဘွားတို့ သိမည်မဟုတ်။  

     တစ်ခါတစ်ခါ သင်ခဲ့ရသော လောကနီတိပဏ္ဍိတကဏ္ဍမှ အပိုဒ်၃၉-ကိုအပြစ်မြင်မိ၏။ 

     ''အိုးထိန်းသည်သည် အိုးကို ကွဲစိမ့်သောငှါ မပုတ်ခတ်၊ တင့်တယ်စိမ့်သောငှါ ပုတ်ခတ်၏။ ဆရာသည် တပည့်တို့အား အပါယ်ဆင်းရဲတို့သို့ကျစေခြင်းငှါ မပုတ်ခတ်၊ အတတ်ပညာ အစီးအပွားဟူသော အကြောင်း

ကြောင့် ပုတ်ခတ်၏'' ဟူသောစကားကြောင့် ဆရာတော် ကြမ်းကြမ်းတမ်းတမ်း ပြောဆိုလေရော့သလား ဟု ထင်မြင်မိသည်။

       လောကနီတိ အဆိုကို ဘ၀င်မကျ။ အပါယ်ဆင်းရဲသို့ မကျစေချင်ဟုသာ ဆိုသည်။ ယခုမူ တပည့်စိတ်

ဆင်းရဲနေရသည်။ လောကနီတိထဲမှာ ပါတာက ရေအိုးတစ်လုံးကွဲလျှင် နောက်တစ်လုံးလုပ်၍ ရသည်။

      စာတစ်ပုဒ်ရအောင် ခက်ခက်ခဲခဲ ကျက်မှတ်ရခြင်းထက် အလုပ်တစ်ခုလုပ်၍ မှားယွင်းသွားမည်ကို ကြောက်၏။ ထို့ထက်ဆူငေါက်ခံရမည်ကို ပိုမိုကြောက်သည်။ ကြောက်၍မလုပ်ပါက ပိုမို အဆူခံရမည်ကို ကြောက်ရပြန်၏။ ထို့ကြောင့် ကြောက်ကြောက်ဖြင့် အလုပ်ကို လုပ်ရသည်။ ထိုကြောင့် အမှားအယွင်းဖြစ်၏။ အမှားအယွင်းဖြစ်သောကြောင့် ဆူခံရသည်။ မိမိ အတွက် အကြောက်သံသရာလည်နေတော့၏။

     ရွာထဲ၌ အလှူရှိ၍ ကျောင်းမှပန်ကန်များကို လာငှားပါက စာရင်း သေသေချာချာ မှတ်ထားရသည်။ ပြန်လာပို့ပါကလည်း သေသေချာချာ စစ်ဆေးရ၏။ သို့ရာတွင် မိမိစိတ်ထဲက ''သေမှသေချာပါရဲ့လား'' ဟုသံသယစိတ်ဝင်မိကာ အကြိမ်ကြိမ်အခါခါ ပြန်စစ်ရသည်မှာလည်း အမောပင်။ 

    ကိုရင်ဘ၀က လူဝတ်လဲမည်ဆိုပြန်ကလဲ ကျန်းကျန်းမာမာဖြစ်နေသော အဘွားကို မြင်ယောင်မိသည်။ 

    မနက်တိုင်း အိမ်ရှေ့စင်္ကြာပန်းပင်မှ ပန်းမျာကိုခူး၊ ခြင်းကလေးထဲ ထည့်ကာ ရေစိုအ၀တ်ပိုင်းကလေးဖြင့် အုပ်ထားတတ်ပြီး၊ နေစောင်းပါက အုန်းကျော၌ ကိုယ်တိုင်ပန်းသီ ညနေဘက်ရောက်ပြီဆိုပါက သနပ်ခါး ခြေဆုံးခေါင်းဆုံးလိမ်း ကုန်းကုန်း ကုန်းကုန်းဖြင့် လက်တစ်ဖက်က တောင်ဝှေးကို အဖော်ပြု လက်တစ်ဖက်

က ပန်းကိုကိုင်ကာ ကျောင်းသို့ ပန်းလာလှူလေ့ရှိသော အဘွားသည် လူဝတ်လဲရန်အတွက် ငဲ့စရာဖြစ်နေ၏။

      အမေ့အား ကိုရင်လူထွက်ရန် ပြောမည်ဟု အားတင်းသော်လည်း အမေ့ကို မြင်ရသည်နှင့် အားများပြေ

လျော့ကာ နှုတ်ဖျားကလည်းဆွံ့အသွားပြန်၏။ ချီတုံ ချတုံ စဉ်းစားနေမိသည်မှာလည်း အကြိမ်ကြိမ်။

      စာအံကျောင်းတွင် စဉ်းစားနေမိ၍ စာပြန်ချိန် စာမရသောကြောင့် စာရသည်အထိ ကျက်မှတ်ရကာ သူများနောက်ဆုံးမှ စာပြန်ရသည်မှာလည်း အကြိမ်ကြိမ်။

      ထိုအခါမျိုးတွင် ဆရာတော်က-

     ''ဒီလို စာကျက်ပုံမျိုး နဲ့ စာသင်တိုက်မှာဘယ်လိုမှ နေလို့မရ၊ အမြဲတမ်း ဒဏ်ထမ်းနေရလိမ့်မယ်၊ စာကျက်တယ်ဆိုတာ စိတ်ဝင်တစ်စားကျက်မှ ရတာမျိုးကွ'' ဟုပြော၏။ 

     ဤသို့လျှင် ကိုရင် ၃-၀ါရခဲ့သည်။ ကိုရင် ၃-၀ါကိုလည်း အဖေ၊ အမေ အဘွားတို့အတွက်ရပြီ။ဆယ်စောင်

တွဲကုန်၍ လည်း သင်္ဂြိုဟ် စေတသိက်ပိုင်းသို့ ရောက်ပြီ။ ဒီလောက်ဆိုလျှင် ရပြီ။ လူဝတ်လဲတော့မည်ဟု ဆုံးဖြတ်ချက်ချလိုက်သည်။ 

                       xxxxxxxxxxxxxxxxxxxxxxxxxxxxxxxxxxxxx

        ''ကိုရင်..ကိုရင်..တေဇ၊ ကိုရင်..တေဇ'' 

        အမေ့ခေါ်သံကို ကျက်သရေခန်းထဲက မိမိကြားနေရသည်။ကျက်သရေခန်းဆိုသည်မှာ ကျောင်းရှိဆန်

အိုး၊ ထန်းလျက်အိုး၊ မန်ကျည်းသီးအိုးနှင့် ငါးခြောက်များကို ထားသောအခန်းဖြစ်သည်။ အမေ့ခေါ်သံကြောင့်

ကျက်သရေခန်းထဲက မိမိ ထွက်လာခဲ့သည်။ အမေသည် ဘုရားကို ရှိခိုးဦးချနေသည်။ အမေ၏အနားတွင် ရပ်လိုက်သည်။ အမေသည် ထိုင်ရာက မိမိအား မော့ကြည့်ကာ

        ''ကိုရင် ကျက်သရေခန်းထဲ ဘာလုပ်နေတာလဲ'' ဟုမေးသည်။ 

        ''ငှက်ပျော်သီးမည့်ပြီးလား ဆိုတာ ဆရာတော်ကြည်ခိုင်းလိုက်လို့'' မိမိက အဖြေပေးလိုက်သည်။   

        ''ကိုရင် မနက်က ကျောင်းသားကို ခဏလာအုံးလို့ တပည့်တော်ကို ခေါ်ခိုင်းတာ ကိစရှိလို့လား''  

         အမေမေးသော မေးခွန်းကို မည်သို့ဖြေရမှန်းမသိ။ ကျောင်းပေါ်တွင်လည်း အမေနှင့် မိမိသာလျှင်ရှိ

သည်။ အခုဆိုရင် ဆရာတော်နှင့် ကျောင်းသားများ ငှက်ပျောတောထဲ ငှက်ပျော်ပင်ငယ်များကို ခွဲထုတ်နေ

လောက်ပြီ။ စကားကို အရဲစွန့်၍ ပြောချလိုက်သည်။

       ''ကိုရင် ...လူထွက်တော့မလို့' 

        ဆိုင်းမဆင့် ဗုံမဆင့် ရုတ်တရက်ကြားလိုက်ရသောကြောင့် အမေအံ့သြဟန်ရှိသည်။ အမေ့မျက်နှာ

သည်လည်း တင်းသွား၏။

     '' ကိုရင် ..ဘာ..ဘာပြောလိုက်တယ်'' 

      အမေ၏ အသံမှာ မြင့်တက်သွား၏။မိမိလည်း ခပ်ပြတ်ပြတ် ပြောလိုက်မိသည်။ 

     ''ကိုရင် လူထွက်တော့မလို့''

      အမေသည် တစ်ခုခုစဉ်းစားနေသကဲ့သို့ ခေတ္တငြိမ်သက်နေသည်။ မိမိလည်း ကြမ်းပြင်ပေါ်တွင် ထိုင်လိုက်သည်။ 

       ''ဘာကြောင့် လူထွက်ချင်ရတာလဲ ကိုရင်ရယ်''

      အမေ၏စကားသံမှာ ညင်ညင်သာသာရှိလာသည်။ 

     ''မြောက်ကျောင်းက စာသင်တိုက်မှာနေတဲ့ ဦးဥာဏ စာမေးပွဲအပြီး ပြန်လာရင် ဆရာတော်က ကိုရင့်ကို စာသင်တိုက်ပို့မယ်ပြောတယ်'' 

     ''တေဇ၊ ဒီမှာဆက်နေရင် ကြီးလာတဲ့အခါ  သူများတွေလိုစာမေးပွဲမအောင်ထားရင်မျက်နှာငယ်ရလိမ့်တဲ့။

တပည့်တော်နဲ့ ကိုရင့်အဖေကို မနေ့တစ်နေ့က ခေါ်ပြောတယ်။ ကိုရင်က စာအံကျောင်းမှာဆိုတော့ ကိုရင်

မသိရသေးဘူး။ ကိုရင့် အဖေကိုတောင် ကိုရင်အိမ်ဝင်လာမှ ပြောတော့မယ်လို့ ပြောထားသေးတယ်။ အခု

ကိုရင်က လူထွက်မယ်ဆိုတော့...”

        အမေသည် စကားကို ဆက်မပြောပဲ ငြိမ်နေသည်။ အမေ့ဦးခေါင်းသည်လည်း အောက်သို့ငုံ့လျက် မျက်လုံးအစုံမှာ ကြမ်းပြင်ကို စိုက်ကြည့်နေသည်။ အမေ့မျက်နှာသည်လည်း ကျောင်းပေါ်ရောက်စ ဘုရား

ဦးချစဉ်က မျက်နှာမျိုး မဟုတ်တော့။ ကြည်ကြည်လင်လင် မရှိသည်ကို တွေ့ရသည်။ အမေသည် မိမိကို ပြန်

ကြည့်ကာ

        ''ကိုရင် ..စဉ်းစား..ကိုရင်။ ကိုရင်သာ  လူထွက်မယ်ဆိုရင် ကိုရင့်အဖွားနဲ့တကွ တပည့်တော်မတို့ အား

လုံးစိတ်ဆင်းရဲရတော့မှာပဲ။ ကိုရင့်အပေါ်ရည်စူးမျှော်မှန်းထားသမျှ သဲထဲရေသွန်ဖြစ်တော့မှာပဲ''

       အမေဆို့နင့်စွာ စကားကို ရပ်လိုက်သည်။ ဆက်မပြောတော့။ ရုတ်တရက် မိမိရှေ့က လှည့်၍ ကျောင်း

ပေါ်မှ ဆင်းသွားခဲ့သည်။ အမေနောက်ပြန်၍ပင် လှည့်မကြည့်ပါ။ အမေထွက်သွားသည်ကို မိမိတံခါးပေါက်ကို

မှီ၍ အမေ့ကျောပြင် ပျောက်ကွယ်သည်အထိ ငေးမောကာ ကြည့်နေမိသည်။

    အမေ့ထံမှ မမျှော်လင့်သော စကား။ မည်မျှအထိ အဓိပ္ပါယ်သက်ရောက်သွားသည်ကို မိမိ သိနေပါသည်။ မိမိအကြံအစည်များ၊ပြောစကားများသည် သံပုံထဲသို့ရေသွန်းလောင်းသကဲ့သို့ဖြစ်သွားရပြီ။အမေ၏ပြောစ

ကားများကို ဆက်မစဉ်းစားချင်တော့။ဆရာတော်နှင့်ကျောင်းသားများငှက်ပျောပင်စိုက်ရာကျောင်းအနောက်

ဘက်ဆီသို့မိမိထွက်လာခဲ့သည်။ ခြေလှမ်းများသည် သွက်သွက်လက်လက် တက်တက်ကြွကြွ မဟုတ်။ နှေးကွေးလေးလံနေသည်ကိုတော့ သတိပြုမိသည်။ ဆရာတော်ကြည့်ခိုင်းသော မမှည့်သေးကြောင်းကို

လည်း လျှောက်ထားရဦးမည်။ မိမိ ကြာနေသောကြောင့် ဆရာတော်ဆူမည်လား ဟု စိုးရိမ်လိုက်မိ၏။ 

                        xxxxxxxxxxxxxxxxxxxxxxxxxxxxxxxxxxxxxx

      ''ဦးဇင်း...အေးလာပြီ။ အဆောင်ပြန်မှထင်တယ်'' 

      အမေ့စကားသံကြားရမှ မီးရောက်အောက်ရပ်လျက် အတိတ်သို့လွင့်မျောနေသော စိတ်အစဉ်ကိုစုလိုက်

မိသည်။ ခြေလှမ်းများကလည်း အဆောင်သို့ ဦးတည်မိသည်။ 

     ထိုအချိန်က မည်သို့သော ရည်ရွယ်ချက်ဖြင့် အမေ့ပြောခဲ့ပြောခဲ့။ အမေ့စကားလုံးများသည် မိမိ၏ ရင်

တွင်းသို့ အပူးစီးကြောင်းအဖြစ် ပြောင်းလဲစီးဝင်သွားခဲ့သည်ကိုတော့ အမေသိမည် မဟုတ်ပါ။

    ယခုတော့လည်း စာသင်တိုက်နှင့် သာသနာ့တက္ကသိုလ်ကသင်ကြားပေးလိုက်သည့်ဗုဒ္ဓစာပေတွေကြောင့်

သာသနာ့ဘောင်မှာ ပျော်မွေ့တတ်ပါပြီ။ 

     ''အမေ ၀မ်းမြောက်ပါလေတော့'' 

      မိမိစိတ်ထဲမှ ပြောနေမိသည်နှင့်အတူ ကောင်းကင်ကို မော့ကြည့်မိသည်။ လမင်းကြီးကတော့ မြူကင်း

စင်လျက် ထိန်ထိန်သာနေမြဲပင်။

      [ဤ၀တ္ထုဖြင့် မိဘ၊ ငယ်ဆရာ၊ ရဟန်းဒါယကာတို့အား ဂုဏ်ပြုပါသည်။]

                                                                       အရှင်ဓမ္မိက(လောင်းလုံ)

ဓမ္မရတနာဓမ္မမဂ္ဂဇင်းတွင်ဖေါ်ပြပြီးဖြစ်ပါသည်။